ބޮންޑާ މިހެން ވިދާޅުވީ ފުއްގިރި މައްސަލާގައި މިއަދު ހެކިބަސް ދެއްވަމުންނެވެ.
މިއަދުގެ އަޑުއެހުމުގައި ފުރަތަމަ ހެކިވެރިއެއްގެ ގޮތުން ހާޒިރުވެވަޑައިގެންނެވީ ރައްޔިތުންގެ މަޖިލީހުގެ މާފަންނު މެދު ދާއިރާގެ މެންބަރު އިބްރާހީމް ރަޝީދުއެވެ.
ފުއްގިރި ކުއްޔަށް ދޫކުރުމުގެ މުއާމަލާތާއި ގުޅިގެން އަހުމަދު ކްރިކް ރިޒާއަށް ލިބެންޖެހޭ އެއްވެސް ފައިސާއެއް އޮވެގެން ނުވާނެކަމަށްވެސް ބޮންޑޭ ވިދާޅުވިއެވެ.
އޭރު ކްރިކް ރިޒާ އުޅުނީވެސް އެސްޓީއޯގައިކަމަށް އޭނާ ފާހަގަ ކުރެއްވިއެވެ. އަދި އެމްއެމްޕީއާރްސީ ހިޔާނާތް ހިނގިއިރު އޭނާއަކީ އަމިއްލައަށް މަސައްކަތް ކުރާ ފަރާތެއް ކަމަށާއި، އޭނާ ހުރީ ދައުލަތުގެ ނުފޫޒެއް ފޯރާ ހިސާބެއްގައެއް ނޫން ކަމަށެވެ.
މުއާމަލާތުގެ 6 ވަރަކަށް ދުވަސް ފަހުން ބޭންކް ސްޓޭޓްމަންޓެއް ނަގައިގެން ބެލިއިރު، އެމްއެމްޕީއާރްސީއަށް ދެއްކި އެ ފައިސާ ޖަމާވެފައި އޮތީ އެސްއޯއެފަށް ކަމަށާއި، އެކަމާ އޭރު ސުވާލު އުފައްދައި އޭސީސީއަށްވެސް އެކަން ސަމާލުކަމަށް ގެނެސްފައިވާނެކަމަށް ބޮންޑޭ ވިދާޅުވިއެވެ.
މީގެ އިތުރުން ސީއެންއެމްގެ ޕްރޮގްރާމެއްގައި ވާހާކާ ދައްކަމުން ބޮންޑޭ ވިދާޅުވީ ފުއްގިރި ހިޔާނާތަކި ގުޅިގެން ހިންގާފައިވާ ބޮޑު ޖަރީމާއެއް ކަމަށެވެ. އަގެއް ކަނޑައެޅުމަށްފަހު، ކުއްލިއަކަށް ރަށުގެ އަގު ކުޑަވުމުން ބޭރުގެ ކުންފުނިންވެސް އެ ސުވާލު އުފެއްދި ކަމަށާއި، ކުންފުނިންވެސް އޮތީ ރަށުގެ އަސްލު އަގުގައި ރަށް ގަންނަ ގޮތަށް ކަމަށެވެ.
