ހއ. ފިއްލަދޫ އިން 300 އަކަފޫޓުގެ ގޯތިތަކެއް ދޫކުރަން އެރަށު ކައުންސިލުން އިއުލާނުކޮށްފިއެވެ.
Advertisement
އެރަށުން ދޫކުރަން ނިންމާފައިވަނީ 78 ބަންޑާރަ ގޯއްޗެެވެ.
"ގޯތި ދޫކުރާނީ ބަންޑާރަ ގޯތި ދޫކުރުމަށް އެ ކައުންސިލުން ފާސްކޮށް އާންމުކޮށްފައިވާ އުސޫލާއި އެއްގޮތަށް. ގޯއްޗަށް އެދި ކުރިމަތިލާ މީހުންގެ ޝަރުތުތަކުގެ ތެރޭގައި ދިވެހިރައްޔިތެއް ކަމުގައިވުމާއި ގޯތި ދޫކުރުމަށް އިއުލާންކުރެވޭ ދުވަހާއި ހަމައަށް މީލާދީ ގޮތުން އުމުރުން 18 އަހަރު ފުރިފައިވާ މީހެއް ކަމުގައިވުން،" ހިމެނޭކަމަށް އެ ކައުންސިލުން ގެޒެޓުގައި ކުރި އިއުލާނުގައި ބުނެފައިވެއެވެ.
ގޯއްޗަށް ކުރިމަތިލެވޭނީ، ބަންޑާރަ ނުވަތަ އަމިއްލަ ގޯއްޗެއް ނެތް މީހުންނަށެވެ.
ފިއްލަދޫއިން ގޯތި ދޫކުރަން ނިންމާފައިވާއިރު، މާލޭ ރައްޔިތުންނަށް ދިމާވެފައިވާ ބޯހިޔާވަހިކަމުގެ މައްސަލައަށް ހައްލެއް ހޯދުމަށް ދާދިފަހުން ވަނީ މާލޭ ސަރަހައްދުން 12،000 އަށްވުރެ ގިނަ ގޯތި ދޫކޮށްފައެވެ.
