ރައީސް މިހެން ވިދާޅުވީ ހއ. އަތޮޅަށް އެމަނިކުފާނު ކުރައްވަމުން ގެންދަވާ ދެ ދުވަހުގެ ދަތުރުގެ ތެރެއިން މިއަދު ކެލާއަށް ވަޑައިގެން ވާހަކަ ދައްކަވަމުންނެވެ.
މިނިވަން މުއައްސަސާތަކަށް ނުފޫޒުފޯރުވަން މީހުން ގުޅާކަން ހާމަކުރައްވަމުން ރައީސް މިސާލެއްގެ ގޮތުގައި ނެންގެވީ އޭސީސީއެވެ. އެގޮތުން އެ މުއައްސަސާގައި އޮތް މައްސަލައެއް ވަކިގޮތަކަށް ނިންމަވަން އެމަނިކުފާނަށް އެންގޭނީ ކިހިނެއްތޯ ވަނީ ސުވާލު ކުރައްވާފައެވެ.
ރައީސް ވިދާޅުވީ މިނިވަން މުއައްސަސާތަކުން ކަންކަން ކުރައްވަމުން ގެންދަންވީ އެ މުއައްސަސާއަކަށް ލިބިފައިވާ ގާނޫނީ އިމުގެ ތެރެއިންކަމަށެވެ. އެމަނިކުފާނު ނުފޫޒު ނުފޯރުވާނެކަމަށެވެ.
ހއ. އަތޮޅަށް ކުރައްވާ ކެންޕޭނު ދަތުރު ފުޅުގައި ރައީސް އިއްޔެ ވަޑައިގަތީ އެއަ އަތޮޅު ހޯރަފުށި، ތުރާކުނު، އުލިގަމު، މޮޅަދޫ އަދި އިހަވަންދޫއަށެވެ. މިއަދު މާރަންދޫ، ތަކަންދޫ، ކެލާ، ވަށަފަރު އަދި ދިއްދޫ އަށް ވަޑައިގަންނަވާނެއެވެ.
