މިނިސްޓަރު މިހެން ވިދާޅުވީ ހުކުރު ހުތުބާގައި ހަދީސްކަމަށް ބުނެ ސައްހަ ނޫންވާހަތަކެއް ހިމެނޭކަމަށް ބުނެ ބައެއް އިލްމުވެރިން ކަންބޮޑުވުން ފާޅުކުރައްވާފައިވަނިކޮށެވެ.
މިނިސްޓަރު ވިދާޅުވީ ހުތުބާގައި ސައްހަ ނޫންކަމަށް ބުނާ ވާހަކައަކަތައް ގެނެސްފައިވަނީ ތަފްސީރު ފޮތްފޮތުގަ ތަފްސީރު އިލްމުވެރިން ވެސް ވާހަކަ ދައްކަވާފައި ވާކަމަށް ބުނެ ކަމަށެވެ.
ހުތުބާގެ ކަންކަން ހަރުދަނާކުރައްވާނެކަަމަށް ވެސް މިނިސްޓަަރު ވަނީ ވިދާޅުވެފައެވެ.
ހުކުރު ހުތުބާ-- ފޮޓޯ: އިސްލާމިކް މިނިސްޓްރީ
ހުތުބާއަށް ފާޑުކިއުން އައީ ކީއްވެ؟
މިއަދު ރާއްޖޭގެ ކަންކޮޅުތަކުގައި އިއްވި ހުކުރު ހުތުބާގައި 'ސާބިތު ނުހިފޭ ވާހަކަތަކެއް' ހުރިކަމަށް ވިދާޅުވެ، އިދިކޮޅު ކޯލިޝަނުގެ އެޑްވައިޒަރު ޑރ. މުހައްމަދު ޝަހީމް އަލީ ސައީދު ހުކުރު ހުތުބާއަށް ފާޑު ވިދާޅުވެފައެވެ.
ޑރ. ޝަހީމް މިހެން ވިދާޅުވީ އާސޫރާ ދުވަހާއި ގުޅޭގޮތުން މިއަދު ހުކުރު ހުތުބާގައި ގެނެސްދީފައިވާ ވާހަކަތަކާ ގުޅޭގޮތުންނެވެ. އެނާގެ ފޭސްބުކް ގައިވެސް ވަނީ ހުތުބާގެ ސްކްރީންޝޮޓުތައް ވެސް އާންމުކުރައްވާފައެވެ.
މިއަދުގެ ހުތުބާ މައިގަނޑު ގޮތެއްގައި އަލި އަޅުވާލައިފައިވަނީ އާޝޫރާ ދުވަހުގެ މާތް ކަމުގެ މައްޗަށެވެ.
