ފޮރިން މިނިސްޓްރީން ބުނީ މި ރަސްމިއްޔާތު ބާއްވާފައިވަނީ ދެކުނު ކޮރެއާގެ ސޯލްގައި ހުންނަ ޔޮންގްސަން ރިޔާސީ އޮފީހުގައިކަމަށެވެ.
ކޮރެއާ ސަރުކާރާއެކު އެކި ދާއިރާތަކުން މިހާރަށްވުރެ ބޮޑަށް ގުޅުންބަދަހިކޮށް، އެއްބާރުލުން އިތުރުކުރުމަށް އެމަނިކުފާނުގެ ސަފީރުކަމުގެ ދައުރުގައި ހާއްސަ އަހައްމިއްޔަތުކަމެއްދެއްވާނެކަން މި ބައްދަލުކުރެއްވުމުގައި ސާބިރު ފާހަގަކުރެއްވިކަމަށް ވެސް މިނިސްޓްރީން ބުންޏެވެ.
ދިވެހި ރާއްޖެއިން ކޮރެއާއަށް ކަނޑައަޅުއްވާ ނޮން ރެސިޑެންސް ސަފީރުގެ މަޤާމަށް ހަސަން ސާބިރު އައްޔަނުކުރެއްވުމަށް ރައްޔިތުންގެ މަޖިލީހުން ރުހުންދެއްވީ 27 ޖޫން 2022 ގައެވެ.
ހަސަން ސާބިރަކީ އޮސްޓްރޭލިއާގެ ޔުނިވަރސިޓީ އޮފް ސައުތް ވޭލްސް އިން މާސްޓަރ އޮފް ބިޒްނަސް އެޑްމިނިސްޓްރޭޝަން ފުރިހަމަ ކުރައްވާފައިވާ ބޭފުޅެކެވެ. އަދި އޭނާއަކީ ކުރީގެ ރައީސް މައުމޫންގެ ވެރިކަމުގައި މިނިސްޓަރުކަމުގެ މަގާމު ފުރުއްވާފައިވާ ބޭފުޅެކެވެ.
