މިނިސްޓަރު މިކަން ހާމަކުރެއްވީ ބ. ތުޅާދޫ ހޮސްޕިޓަލުގެ އަމަލީ މަސައްކަތް ފެށުމުގެ ރަސްމިއްޔާތުގައެވެ. 

މިނިސްޓަރު ވިދާޅުވީ މިއަހަރު ތެރޭގައި އެފަދަ ޕްރޮގްރާމެއް މައިން ބަފައިންނަށް ހާއްސަކޮށް ކުރިއަށް ގެންދަން ފައްޓަވާނެކަމަށެވެ. އެގޮތުން އޮގަސްޓު މަހު ނުވަތަ ސެޕްޓެމްބަރު މަހުގައި އެ ޕްރޮގްރާމް ފަށާނެކަމަށް މިނިސްޓަރު ހާމަކުރެއްވިއެވެ. 

2020 ވަނަ އަހަރު މަސްތުވާތަކެތީގެ މައްސަލަތައް ފުލުހުންނަށް ހުށަހަޅާފައިވަނީ 1،425 މައްސަލައެވެ. މި މައްސަލަތަކުގެ ތެރެއިން 1،219 މީހުން ވަނީ ބަންދުކޮށްފައެވެ.

ފާއިތުވި 5 އަހަރު ދުވަހުގެ ތެރޭގައި އަހަރަކު އެވްރެޖްކޮށް މަސްތުވާތަކެތީގެ މައްސަލަތައް ރިޕޯޓްކޮށްފައިވަނީ 2،000 މައްސަލައެވެ. ރާއްޖޭގައި މަސްތުވާތަކެތި ބޭނުންކުރާ 7،500 އަށްވުރެ ގިނަ އެޑިކްޓުން އެބަތިބިކަމަށް ތަފާސް ހިސާބުތަކުން ދައްކައެވެ. 

މާލޭގައި މަސްތުވާތަކެތީގެ ވަބާގެ ނިސްބަތަކީ %6.64 ކަމަށް ލަފާކުރެވޭއިރު، އަތޮޅުތަކުގައި އެ އަދަދު ހުރީ %2.02 ގައެވެ.