އިސްލާމިކް މިނިސްޓަރ ޑރ. އަހްމަދު ޒާހިރު އަލީ އާއި ސަފީރު ވަލީދް އަބޫ އަލީއާ އާއެކު ބޭއްވި ބައްދަލުވުމުގައި ސަފީރު ވަނީ ރާއްޖެއާއި ފަލަސްތީނާ ދެ ގައުމުގެ ދެމެދުގައި އޮތް ގާތް ރަހްމަތްތެރި ގުޅުމާއި، ރާއްޖެއިން އަބަދުވެސް ފަލަސްތީނާއިއެކު އޮންނަ އޮތުން ފާހަގަކުރައްވާފައެވެ
އަދި ސަފީރު ވަނީ ފަލަސްތީނުގެ ހައްގު ހޯދުމަށް އެ ގައުމުން ކުރާ މަސައްކަތުގައި ރާއްޖެއިން އެ ގައުމަށްދޭ އެއްބާރުލުން ފާހަގަކުރައްވައި އެކަމަށް ޝުކުރު އަދާ ކުރައްވާފައެވެ.
ސަފީރުގެ ވާހަކަފުޅުގައި މިއަދު އިސްލާމީ ގައުމުތަކަށް ދިމާވެފައިވާ ހިތާމަވެރިކަންކަމަށް ބައްލަވައި، އިސްލާމީ ގައުމުތަކުން ވިސްނަންޖެހޭ މުހިންމު ކަންތައްތަކަށް ބައްލަވައިލެއްވިއެވެ.
މި ބައްދަލުވުމުގައި އިސްލާމިކް މިނިސްޓަރ ޑރ. އަހްމަދު ޒާހިރު އަލީ ވިދާޅުވީ ރާއްޖެއިން އަބަދުވެސް ދެކެނީ ފަލަސްތީނަކީ ވަރަށް ގާތް ގައުމެއްގެ ގޮތުގައި ކަމަށާއި އަބަދުވެސް އެގޮތުގައި ރާއްޖެ ދެމި އޮންނާނެކަމަށެވެ.
އަދި ފަލަސްތީނުގެ މައްސަލަައިގައި އަބަދުވެސް ރާއްޖެއިން ތައީދު ކުރާނީ ފަލަސްތީނަށް ކަމަށްވެސް ވިދާޅުވިއެވެ.
