ޔޫތު މިނިސްޓަރ އަހުމަދު މަހުލޫފް
އުވާލަން ނިންމި ޖަމިއްޔާ ތަކުގެލިސްޓް އަލުން އިސްލާހު ކުރަނީ
ރިފާއު ރަޝީދު
27 ޖުލައި 2023 - 21:20:57
އުވާލުމަށް ނިންމި ޖަމިއްޔާތަކުގެ ލިސްޓުގައި މައްސަލަތަކެއް ހުރުމުން އެކަންކަން ބަލައި އިސްލާހު ކުރަން ވާނީ އަންގައިފައި ކަމަށް ޔޫތު މިނިސްޓަރު އަހުމަދު މަހްލޫފް ވިދާޅުވެއްޖެއެވެ.
Advertisement
ގިނަ އަދަދެއްގެ ޖަމިއްޔާތަކެއް އުވާލުމަށް ނިންމާއެކަން ޔޫތު މިނިސްޓްރީން އިއުލާނުކޮށްފައިވާއިރު މިނިސްޓަރު މަހްލޫފް ވިދާޅުވީ ޖަމިއްޔާތައް އުވާލަން އާއްމުކޮށްފައިވާކަން އެމަނިކުފާނަށްވެސް ފެނިވަޑައިގަތީ ނޫސްތަކުންކަމަށެވެ.
މިނިސްޓަރު ވިދާޅުވީ އޭގެތެރޭގައި ޖަމިއްޔާތަކުގެ ރަޖިސްޓްރާގެ ދަށުގައި ނުހިމެނޭ ބައެއް ގައުމީ ކުޅިވަރު އެސޯސިއޭޝަންތަކާއި ބައެއް ކުޅިވަރު ކްލަބްތައް ހިމެނޭ ކަމަށެވެ.
"ހަރަކާތްތެރިކޮށް ފެންނަ ބައެއް ޖަމިއްޔާތައް ވެސް އެބަހިމެނޭ. މިކަމާއި ގުޅިގެން ބައެއް ފަރާތްތަކުގެ ކަންބޮޑުވުންވަނީ އަޅުގަނޑަށް ލިބިފަ. މިކަންކަން ބަލާ ރަނގަޅުކުރުމަށް ވާނީ ރިކުއެސްޓުކޮށްފަ،" -މަހްލޫފް-
އުވާލުމަށް ނިންމާ އިއުލާން ކޮށްފައިވާ ޖަމިއްޔާތަކުގެ ލިސްޓުގައި ކުރީގެ ރައީސް މައުމޫންގެ މައުމޫން ފައުންޑޭޝަނާއި ސަލަފް ޖަމްއިއްޔާވެސް ހިމެނެއެވެ. މިދެ ޖަމިއްޔާ ހިމެނޭހެން ޖުމްލަ 1989 ޖަމިއްޔާއެއް އުވާލަން އެ މިނިސްޓްރީ އިން އިއުލާން ކުރީ މިދިޔަ އަންގާރަ ދުވަހުއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
100%
ވަރަށް ސަލާމް
ކޮމެންޓްސް
