ސީއެންއެމްގެ 'ތޭވީސް' ޕްރޮގްރާމްގައި ވާހަކަ ދައްކަވަމުން މިރޭ ޖާބިރު ވިދާޅުވީ ރައީސް އިބްރާހިމް މުހައްމަދު ސާލިހުގެ ވެރިކަމަށް ވަޑައިގަތުމާއެކު ރާއްޖޭގެ އިގްތިސާދުވެސް ކުރިއަރާފައިވާކަމަށެވެ.
"ރާއްޖެއަށް ޑޮލަރު އިތުވެއްޖެ. އިގްތިސާދު ކުރިއަރައިފި. މި ދަންނަވަނީ ކޮވިޑުގެ ބަލިމަޑުކަމާއެކުވެސް ލިބުނު ކާމިޔާބީތައް،" ޖާބިރު ވިދާޅުވިއެވެ.
ޖާބިރު ވިދާޅުވީ ރައީސް ސާލިހަށް ވޯޓު ހޯދަން އަމިއްލައަށް ހިންގައިގެންވެސް ވޯޓު ހޯދާނެކަމަށެވެ.
ޖާބިރު ވިދުވީ މާލެއިން 60 ޕަސަންޓަށްވުރެ ގިނަ ވޯޓު ރައީސް ސާލިހު ކާމިޔާބު ކުރައްވާނެކަމަށެވެ.
ދާދިފަހުން އެމްޑީޕީއާ ގުޅިވަޑައިގެން ޖާބިރު ވިދާޅުވީ ރައީސް ސާލިހަކީ ވަރަށް ހުލްގުހެޔޮ ބޭފުޅެއް ކަމަށެވެ. އަދި ރައީސް ސާލިހުއަށް ޖާބިރު ތާއީދު ކުރައްވާ އެއް ސަބަބަކީ ވެސް އެއީކަމަށް ވިދާޅުވިއެވެ.
ޖާބިރު ވިދާޅުވީ ރައީސް ސާލިހަށް ދެވަނަ ދައުރެއް ލިބިގެން ޒުވާނުންނަށްވެސް އަދި ރާއްޖޭގެ އިގްތިސާދަށްވެސް ބޮޑު ކުރިއެރުމެއް އަންނާނެކަމަށެވެ.
