ވިލިގިލި
ގއ. ވިލިގިލީގައި 22 އަހަރުގެ އަންހެން ކުއްޖަކު ރޭޕް ކޮށްފި
މުސްލިމާ ހަސަން
29 ޖުލައި 2023 - 13:43:33
ގއ. ވިލިގިލީގައި 22 އަހަރުގެ ޒުވާނަކު ރޭޕް ކޮށްފިއެވެ.
Advertisement
ގއ. ވިލިގިލީގައި ރޭޕް ކޮށްފައިވާ ޒުވާނާ އަކީ އެ އަތޮޅު ކޮލަމާފުއްޓަށް ނިސްބަތްވާ ޒުވާނެވެ. ކޮލަމާފުށީ މީހަކު "ސީއެންއެމް" އަށް މައުލޫމާތު ދެއްވަމުން ބުނީ އެ ޒުވާނާ އަކީ ފާމަސީގައި މަސައްކަތް ކުރާ ޒުވާނެއް ކަމަށެވެ.
"އެރަށަށް ދިޔައީ އޮޑިޓް ކަމެއްގައި. އެ މަސައްކަތް ނިމުމާއި ގާތްވެފައިވަނިކޮށް، އަންހެން ކުއްޖާ ހުރި ގޭގެ މީހުން ކޮލަމާފުއްޓަށް ދިޔައީ. ދެން އެކުއްޖާ އެކަނި ހުރީ ގޭގައި. " އެމީހާ ބުންޏެވެ.
ރޭގަ ފިހާރައެއްގެ ތެރޭގައި އަންހެން ކުއްޖާ ހުއްޓާ ފޯނަށް ފޯނެއް އައި ކަމަށާއި، ގުޅީ އަންހެން ކުއްޖާގެ ރައްޓެއްސެއް ކަމަށެވެ.
އަންހެން ކުއްޖާ ފިހާރައަށް ނުކުތުމުން ގުރޫޕަކުން އައިސް ރޭޕް ކުރި ކަމަށާއި، ލައިގެން ހުރި ހެނދުމާއި އެއްޗެހިވެސް ތިބީ ވިނަގަނޑުގެ ތޭރެއަށް އެއްލާލަފައި ކަމަށްވެސް އެމީހާ ބުންޏެވެ.
މި ކަމާއި ގުޅިގެން ފުލުހުން ބުނީ އެ މައްސަލަ މިހާރު ތަހުގީގު ކުރަމުން އަންނަކަމަށާއި، އެ މައްސަލަ އާއި ގުޅިގެން އެއްވެސް މީހަކު އަދި ހައްޔަރު ކޮށްފައި ނުވާ ކަމަށެވެ.
6%
ކަމުގޮސްފި
22%
އަޑުއެހިތާ މިހުރީ
72%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
