ކްލަބު އީގަލްސްގެ ކުޅުންތެރިން
އީގަލްސް ޓީމަށްވެސް ރޯގާގެ ކަންބޮޑުވުން
ސްޕޯޓްސް ޓީމް
29 ޖުލައި 2023 - 18:19:34
ދިވެހި ޕްރިމިއާ ލީގުގައި ކުޅޭ އީގަލްސް ޓީމުގެ ކުޅުންތެރިންގެ ތެރޭގައިވެސް މާލޭގައި މިހާރު ފެތުރެމުންދާ ރޯގާ ފެތުރި އެކަމުގެ ކަން ބޮޑުވުން އެބަ އޮތް ކަމަށް އީގަލްސްއިން ބުނެފިއެވެ.
ލީގުގައި މިއަދު ހަވީރު މާޒިޔާއާ ވެލެންސިޔާ ކުޅެން އޮތް މެޗުވެސް ވެލެންސިޔާ ކުޅުންތެރިންނަށް ރޯގާ ލައްވާލައިގެން ޓީމު ހަމަ ނުކުރެވިގެން ނުކުޅެއެވެ. އީގަލްސް މިރޭ ކުޅެން ޖެހޭނީ ގްރީންއާއެވެ. އީގަލްސްގެ ކޯޗު މުހައްމަދު ޝިޔާޒް – މޯހަން ބުނީ، އެންމެ ބޮޑު ކަންބޮޑުވުމަކީ ޓީމުގެ ތެރޭގައި ރޯގާ ފެތުރިފައިވުން ކަމަށެވެ.
"އުއްމީދުކުރަނީ ރަނގަޅު ކާމިޔާބެއް ލިބޭނެ ކަމަށް. އެހެން ނަމަވެސް އަޅުގަނޑުމެން ޓީމްގެ ހާލަތު އެންމެ ރަނގަޅެއް ނޫނޭ ދަންނަވަން ޖެހޭނީ. މިއުޅޭ ރޯގާގެ ކަންތައް ވަރަށް ބޮޑަށް ޓީމްގެ ތެރޭގައި ކުޅުންތެރިންނަށް ފެތުރިގެން މިއުޅެނީ. ވަރަށް ގިނަ ކުޅުންތެރިން އެކަމުގައި އެބަ އުޅޭ. އެއީ އެންމެ ބޮޑު އެއް ކަމަކީ" މޯހަން ބުންޏެވެ.
މޯހަން ބުނީ ރޯގާގެ ކަންތައް އުޅުނަސް، ކޮންމެ ހާލަތެއްގައި ވެސް އުއްމީދަކީ ރަނގަޅު ކާމިޔާބެއް ހޯދުން ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
