މި މުޒާހަރާއަކީ މޫނު ނިވާކޮށްގެން ކިޔަވައި ނުދެވޭގޮތަށް ޓީޗަރުންގެ ސުލޫކީ މިންގަނޑު އެކުލަވާލުމާއި ގުޅިގެން މޫނުބުރުގާ އެޅި މީހުންނަށް ކިޔަވައި ނުދެވޭކަމަށް ބުނެ ކުރި އިހުތިޖާޖެކެވެ.
މުޒާހަރާއަށް ގޮވާލާފައިވަނީ 'އައި ސްޓޭންޑް ވިތް ނިގާބް' ނަމުގައި ހިންގަމުން އަންނަ ފޭސްބުކް ޕޭޖަކުންނެވެ.
މުޒާހަރާ ފަށާފައިވަނީ މިއަދު 4:15 ގައެވެ. މުޒާހަރާ ކުރާނެ ކަމަށް އެންމެ ފުރަތަމަ ބުނީ މާލޭގައެވެ. ނަމަވެސް ރާއްޖޭގެ އެކި ސަރަހައްދުތަކުން މީހުން ވަނީ މުޒާހަރާގައި ބައިވެރި ސޯޝަލް މީޑިއާއަށް ފޮޓޯ ލާފައެވެ.
މޫނު ބުރުގާއެޅުން މަނާކުރުމަކީ ދީނީ އަދި ގާނޫނީ ކުށެއް ކަމަށް އަދާލަތު ޕާޓީގެ އިލްމުވެރިންގެ މަޖިލީހުގެ ނައިބު ރައީސް ޑރ. މުހައްމަދު އިޔާޒު ބުރާސްފަތި ދުވަހު ވަނީ ވިދާޅުވެފައެވެ.
ޑރ އިޔާޒް މިހެން ވިދާޅުވީ ހޯމަ ދުވަހު އެޑިއުކޭޝަން މިނިސްޓްރީން އާންމު ކުރި ސުލޫކީ މިންގަނަޑުގައި މޫނު ބުރުގާ އެޅުން މަނާވާފަދަ ކަންތައްތަކެއް ހުރުމުންނެވެ.
އެ އުސޫލުގެ މަގްސަދަކީ މުުދައްރިސުންގެ ފަންނީ އަހުލާގީ އިޖުތިމާއީ ސުލޫކު ހަރުދަނާކުރުމާއެކ،ު ޒަމާނުއްސުރެ ދިވެހި މުޖުތަމަޢުގައި ތައުލީމީ ދާއިރާއަށް އޮންނަ ގަދަރާއި އިހުތިރާމު އިތުރުކޮށް ދެމެހެއްޓުން ކަމަށް ބުނެފައި ވެއެވެ.
