މައުލޫމާތު ލިބިފައިވާ ގޮތުގައި ވިލިގިލީގައި ރޭޕް ކޮށްފައިވާ ޒުވާނާ އަކީ އެ އަތޮޅު ކޮލަމާފުއްޓަށް ނިސްބަތްވާ ޒުވާނެވެ. ކޮލަމާފުށީ މީހަކު "ސީއެންއެމް" އަށް މައުލޫމާތު ދެއްވަމުން ބުނީ އެ ޒުވާނާ އަކީ ފާމަސީގައި މަސައްކަތް ކުރާ ޒުވާނެއް ކަމަށެވެ.
މިކަމާއި ގުޅިގެން ފުލުހުން ބުނީ މިމައްސަލައާއި ގުޅިގެން މިހާތަނަށް އެއްވެސް މީހަކު ހައްޔަރުކޮށްފައި ނުވާ ކަމަށެވެ. އެހެންނަމަވެސް މިމައްސަލަ މިހާރު ފުލުހުން ތަހުގީގު ކުރަމުންދާ ކަމަށެވެ.
މައުލޫމާތު ލިބިފައިވާ ގޮތުގައި ފިހާރައެއްގެ ތެރޭގައި އަންހެން ކުއްޖާ ހުއްޓާ ފޯނެއް އައި ކަމަށާއި، ގުޅީ އަންހެން ކުއްޖާގެ ރައްޓެއްސެއް ކަމަށެވެ.
އަންހެން ކުއްޖާ ފިހާރައަށް ނުކުތުމުން ގުރޫޕަކުން އައިސް ރޭޕް ކުރި ކަމަށާއި، ލައިގެން ހުރި ހެނދުމާއި އެއްޗެހިވެސް އޮތީ ވިނަގަނޑުގެ ތޭރެއަށް އެއްލާލަފައި ކަމަށްވެސް ސީއެންއެމްއަށް މައުލޫމާތު ދިން ފަރާތުން ބުނެފައިވެއެވެ.
