މިކަން މިއަދު އިއުލާނު ކުރެއްވީ ޑރ. މުއިއްޒުއެވެ.
އޭނާ ވިދާޅުވީ ރައީސް ޔާމީނަށް މިއަހަރު އޮންނަ ރިޔާސީ އިންތިހާބުގައި ވާދަކުރެވޭނެކަމަށް އުންމީދު ކުރައްވާކަމަށެވެ.
"ރައީސް ޔާމީނަށް ވާދަކުރުމުގެ ފުރުސަތު ނުދީފިނަމަ، އެ މަނިކުފާނު ދެއްވާފައިވާ އިރުޝާދާއެކު، ވާދަކުރާނޭ "ބެކްއަޕް" ކެނޑިޑޭޓެއްގެ ގޮތުގައި ޕީ.އެން.ސީ ގެ ކެނޑިޑޭޓެއް ހޮވުމަށް ޕީ.އެން.ސީ ސެނެޓުގައި ބޭއްވުނު އިންތިޚާބުގައި އަޅުގަނޑު ހޮވުމުން، އަޅުގަނޑުގެ ރަނިންގމޭޓުގެ ގޮތުގައި ބޭފުޅަކު ހަމަޖައްސާ، އެޕްލިކޭޝަން ތައްޔާރުކުރުމަކީ އަޅުގަނޑުގެ ޒިންމާއެއްކަމުގައި ދެކޭ ހިނދު، އަޅުގަނޑުގެ ރަނިންގމޭޓްގެ ގޮތުގައި ފަރެސްމާތޮޑާ ދާއިރާގެ ޢިއްޒަތްތެރި މެންބަރު ޙުސައިން މުޙައްމަދު ލަޠީފް (ސެންބެ) ހަމަޖައްސަން ނިންމިކަން ދަންނަވަން،" މުއިއްޒު މިއަދު ވުދާޅުވއިެވެ.
މުއިއްޒު ވިދަޅުވީ ސެމްބެ އަކީީ ޒުވާން، ތައުލީމީ، ޤާބިލް ހިދްމަތްތެރިއެއް ކަމަށެވެ.
"އަޅުގަނޑުގެ ދުޢާއަކީ، 7 އޯގަސްޓުގެ ވަގުތު ހަމަވުމުގެ ކުރިން، އަޅުގަނޑުމެންގެ ކެނޑިޑޭޓް ރައީސް ޔާމީން އަށް ވާދަކުރުމުގެ ފުރުސަތު ލިބިގެން ދިޔުން. އަދި މި ތައްޔާރުކުރެވޭ "ބެކްއަޕް" އެޕްލިކޭޝަން ލާންނުޖެހުން،" މުއިއްޒު ވިދާޅުވިއެވެ.
ރައީސް އަބްދުﷲ ޔާމިންގެ ކެނޑިޑަސީ ބަލައިނުގަތް މައްސަލަ މިހާރު ސުޕްރީމް ކޯޓުގައި އަންނަނީ އަޑުއެހުންތައް ބާއްވަމުންނެވެ. ހުކުރު ދުވަހު ފުރަތަމަ އަޑުއެހުން ބާއްވާފައިވާއިރު، ދެން އޮންނާނީ ސުޕްރީމް ކޯޓުން ގޮތެއް ނިންމާ އިއުލަންކުމަށް ބާއްވާ އަޑުއެހުމެވެ.
