މި މޮނިއުމެންޓްތައް ޑިޒައިން ކުރުމަށް އެޗްޑީސީން ވަނީ މުބާރާތެއް ހުޅުވާލާފައެވެ. އެޗްޑީސީން ބުނީ އެންމެ ރީތި ޑިޒައިންތަކެެއް ހުށައަޅައިގެން އެ މުބާރާތުން އެއްވަނަ ހޯދީ ޓީމް އާކޯސް ކަމަށެވެ. އެ ޓީމްގައި ހިމެނެނީ އަބްދުﷲ ޝައިމާން ވަހީދާއި އިބްރާހިމް އިފާޒެވެ.
މޮނިއުމެންޓްތައް ޑިޒައިން ކުރުމަށް އެޗްޑީސީން މުބާރާތެެއް ހުޅުވާލީ މިދިޔަ ސެޕްޓާމެބަރު މަހުގެ ތެރޭގައެވެ. އެ މުބާރާތުގައި ވާދަކުރުމުގެ ފުރުސަތު ދިނީ ޕްރޮފެޝަނަލް އާޓިސްޓުންނާއި، ޑިޒައިނަރުންނާއި، އާކިޓެކްޓުންގެ އިތުރުން، ގުޅުންހުރި ދާއިރާތަކުގެ އުމުރުން 18 އަހަރު ފުރިފައިވާ ދަރިވަރުންނަށެވެ.
މި މުބާރާތުގެ އެއްވަނައަށް ދާ ޑިޒައިނަކަށް އިނާމެއްގެ ގޮތުގައި 100،000 ރުފިޔާ ދިނުމަށް އެޗްޑީސީން ވަނީ ނިންމާފައެވެ.
އެޗްޑީސީން ނިންމާފައިވަނީ ހުޅުމާލޭގައި 17 މޮނިއުމަންޓް ބަހައްޓާށެވެ. އެ މޮނިއުމަންޓްތައް ބަހައްޓަން ނިންމާފައިވަނީ ހުޅުމާލޭ ފޭސް އެކަކާއި ދޭއްގައެވެ.
