އަމްރު މިހެން ވިދާޅުވެފައިވަނީ ރިޔާސީ އިންތިހާބަށް ފޯމް ހުށައެޅުމަށް އިލެކްޝަން ކޮމިޝަނަށް ވަޑައިގެން ދެއްކެވި ވާހަކަ ފުޅުގައެވެ.
އަމްރު ވިދާޅުވީ އިލްޔާސް ލަބީބާއި އެބޭފުޅާ ރައީސް ކަމަށް ނުކުތީ އެކީގައި މަސައްކަތް ކުރަން ކަމަށާއި، ޓީމް ވޯކެއްގެ ގޮތުގައި ކުރިއަށް ދިއުމަށް ކަމަށެވެ.
"ދެމީހުން މި ނުކުންނަނީ ރާއްޖޭގެ ވެރިމިހާ އަށްވާކަށްނޫން. ރާއްޖޭގެ ރައްޔިތުންނަށް ބޭނުންވާ ސަރުކާރެއް އެޑްމިނިސްޓްރޭޝަން ހިންގައިދެން،" އަމްރު
ރާއްޖޭގެ ރައްޔިތުންނަށް ބޭނުންވާ ކަންކަން ކޮށްދޭނެ ކަމަށާއި، އެހެންކަމުން ދެ ބޭފުޅުން ވެސް ބަހާލައިގެން ކަންކަން ކުރިއަށް ދެވޭނެ ކަމަށް އަމްރު ވަނީ ވިދާޅުވެފައެވެ.
އަމްރު އަކީ ވިޔަފާރި ކުންފުނި، ސްޓޭޓް ޓްރޭޑިން އޯގަނައިޒޭޝަން (އެސްޓީއޯ)ގެ ކުރީގެ މެނޭޖިން ޑިރެކްޓަރުގެ މަގާމަށްހުންނެވި ބޭފުޅެކެވެ. ނަމަވެސް އަމްރުވަނީ ދާދި ފަހުން އޭނާ ހުންނެވި މަގާމުން ވަކި ކޮށްފައެވެ.
އަމްރުވަނީ ޑިމޮކްރެޓްސްގެ ޕްރައިމަރީއަށް ވާދަކުރަންވެސް ޝައުގުވެރިކަން ފާޅުކުރައްވައެވެ. ނަމަވެސް އޭނާ ކުރިމައްޗެއް ނުލައްވައެވެ.
