ރައީސް މިހެން ވިދާޅުވީ، މަޑަވެލީގައި އެމަނިކުފާނު ވަޑައިގަންނަވާތީ ތައްޔާރުކޮށްފައި ހުރި ތަން އަންދާލުމާއި ގުޅިގެންނެވެ. 

ރައީސް މިހެން ވިދާޅުވީ މަޑަވެއްޔަށް ވަޑައިގެން ރަށުގެ ބަނދަރު ސަރަހައްދުގައި ބޭއްވި ޖަލްސާގައެވެ.  

ރައީސް ވަނީ މިފަދަ އަމަލުތައް ނުހިންގުމަށް އެދިލައްވާފައެވެ.

ހުޅުޖެހުމަކީ މުޑުދާރު އަމަލެއް ކަމަށާއި، ސިޔާސީ ހަރަކާތް ހިންގަން އެންމެނަށް ފުރުސަތު އޮންނަންވާނެ ކަމަށް ޕީޕީއެމް އަށް ނިސްބަތްވާ، މަޑަވެލި ކައުންސިލް ރައީސް ފިޔާޒު ހަސަން ވެސް ވަނީ ވިދާޅުވެފއެވެ. 

ފިޔާޒު ވިދާޅުވީ އެމްޑީޕީގެ ރިޔާސީ ކެންޑިޑޭޓު، ރައީސް އިބްރާހިމް މުހައްމަދު ސޯލިހު ކެމްޕޭނު ދަތުރުގައި ގދ. މަޑަވެއްޔަށް ވަޑައިގެން އެ ރަށުގައި ޖަލްސާ ބާއްވަން ތައްޔާރުކޮށްފައިވާ ތަނުގައި ރޭ ބަޔަކު ހުޅުޖަހައި އަންދާލުމަކީ ބަލައިގަނެވޭނެ ކަމެއް ނޫން ކަމަށާއި، އެކަން ކުށްވެރި ކުރާކަމަށެވެ.

މި މައްސަލައާއި ގުޅިގެން ފުލުހުން އަދި އެއްވެސް މީހަކު ހައްޔަރެއް ނުކުރެއެވެ.