ރައީސް ނަޝީދު މިހެން ވިދޅުވީ، މަޑަވެލީގައި ރައީސް ސާލިހު ވަޑައިގަންނަވާތީ ޖަހާފައި ހުރި ސްޓޭޖާއި މުދާ ރޭ ފަތިހު އަންދާލުމާއި ގުޅިގެންނެވެ.
މަޑަވެލީގައި ހުޅުޖެހި މައްސަލަ ފުލުހުން އަންނަނީ ތަހުގީގުކުރަމުންނެވެ.
މީހުން ހައްޔަރު ކުރާތީވެސް ރައީސް ނަޝީދު ކަންބޮޑުވުން ފާޅުކުރައްވާފައިވާއިރު، ދ. ކުޑަހުވަދޫން ޑިމޮކްރެޓްސް ގެ ކައުންސިލް މެންބަރަކު ވަނީ ރޭ ފުލުހުން ހައްޔަރުކޮށްފައެވެ.
އެ ޕާޓީން ރޭ ނެރުނު ބަޔާނެއްގައި ބަނީ ކުޑަހުވަދޫ އަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް ކުރައްވާ ދަތުރުފުޅާ ގުޅުވައި ދަ ޑިމޮކްރެޓްސްގެ އިންޓެރިމް ކައުންސިލްގެ މެންބަރު އަދި ކުޑަހުވަދޫ ކައުންސިލްގެ މެންބަރު އަހްމަދު މައުރޫފްގެ އަމިއްލަ ގޭގައި ޝުއޫރު ފާޅުކުރަމުން ދަނިކޮށް ހައްޔަރުކޮށްފައިވާކަމަށެވެ. އެ އަމަލު ދަ ޑިމޮކްރެޓްސްއިން ހަރުކަށި އިބާރާތުން ކުށްވެރިކުރާކަމަށެވެ.
