ރީކޯ މޫސަ މިހެން ވިދާޅުވީ، ގދ މަޑަވެލީގައި ހުރި އެމްޑީޕީގެ ޖަަގަހަ ރޭ އަންދާލުމުންނެވެ. 

ޖަގަހަ އަންދާލިއިރު، އެ ޖަގަހަ އޮތީ ރަސީސް ސާލިހު ވަޑައިގަންނަވާތީ ތައްޔާރުކޮށް ބެނާ ދަމައި ގޮނޑިވެސް ޖަހާފައެވެ. 

"އުފާވެރި އަމާންރާއްޖެއަކަށް  ރައީސްސޯލޙް ކުރައްވާ ކެމޕޭންގެ  މަޤްސަދް ޙާސިލްވަމުންދާވަރު  ބޮޑުތަނުންއިތުރުވެއްޖެMDP އަކީ  ބަދަލުހިފަން  ނުކުންނަ  ބައެއްނޫން  ޖަދަލުކުރުމެއްނެތި  ކަންނިންމުމަކީ  އަޅުގަނޑުމެނގެއަމާޒު،   ހުޅުޖެހިޔަސް  ފަހަތުންދުވިޔަސް  އިރާދަކުރެއްވިއްޔާ  މޮޅުވާނަން،" ރީކޯ މޫސާ މިއަދު ވިދަޅުވިއެވެ. 

ޖަގަހަ އަންދާލި ނަމަވެސް ރައީސް ސާލިހު މިއަދު ވަނީ އެ ރަށަށް ވަޑައިގެންފައެވެ. ރައީސް ކެމްޕޭނު ޖަލްސާ ބޭއްވި އެރަށު ބަނދަރުގައެވެ. 

ޖަގަހަ އަންދާލި މައްސަލަ ފުލުހުން ތަހުގީގުކުރަމުން އަންނައިރު، ޖަގަހަ އަންދާލި މައްސަލައިގައި އެއްވެސް މީހަކު ހައްޔަރެއް ނުކުރެއެވެ. 

މަޑަވެއްޔަށް ރައީސް ވަޑައިގަތްވަގުތު މުޒާހަރާކުރި ބައެއް މީހުން ހައްޔަރުކުރުމަށްފަހު ވަނީ ފަހުން ދޫކޮށްލާފައެވެ.