ވާދޫގައި އަލަށް އިމާރާތްކުރެވުނު ފެނަކަ ކޯޕަރޭޝަން ލިމިޓެޑް (ފެނަކަ) ގެ އޮފީހާއި ފަރެސްމާތޮޑާ އާ މަރުކަޒީ އިންޖީނުގެ ރައީސް ސޯލިހު ހުޅުވައިދެއްވާފައިވަނީ ގދ. އަތޮޅަށް މިހާރު ކުރައްވަމުން ގެންދަވާ ރިޔާސީ ކެމްޕެއިން ދަތުރުފުޅުގެ ތެރެއިންނެވެ.
ރައީސް މިއަދު ހުޅުވައިދެއްވި ވާދޫ ފެނަކަ އޮފީސް އިމާރާތުގައި ސްޓާފް ރޫމާއި ލޮބީ އާއި ރިސެޕްޝަނާއި ޕޭންޓްރީ އާއި މެނޭޖަރު ރޫމް އަދި މީޓިން ރޫމާއި ގެސްޓްރޫމް ހިމެނޭއިރު އެ އިމާރާތަކީ ކުރީގައި ބޭނުންކުރި އިމާރާތަށްވުރެ ޖާގައިގެ ގޮތުން ތަނަވަސް އިމާރާތެކެވެ.
ފަރެސްމާތޮޑާގައި އަލަށް އިމާރާތްކުރެވުނު މަރުކަޒީ އިންޖީނުގެ ހުޅުވައިދެއްވީ ރައީސް ސޯލިހު - ފޮޓޯ:ރައީސް އޮފީސް
ފަރެސްމާތޮޑާގައި މިއަދު ހުޅުވި އާ މަރުކަޒީ އިންޖީނުގެއަކީ ޒަމާނީ ވަސީލަތްތަކާ އެކު ތަރައްގީކޮށްފައިވާ އަދި ޖާގައިގެ ގޮތުން ތަނަވަސް އިމާރާތެކެވެ.
ފަރެސްމާތޮޑާގައި އަލަށް އިމާރާތް ކުރެވުނު އިންޖީނުގެ އާއެކު، ކަރަންޓު ކެޕޭސިޓީ ވަނީ 1،840 ކިލޯވޮޓަށް އިތުރުވެފައެވެ.
