ރައީސްގެ އަނބިކަބަލުން މިފަދައިން އެދިފައިވަނީ ބުރާސްފަތު ދުވަހު ހެނދުނު ގައުމީ ކުތުބުހާނާގައި، އަހުމަދު ފަޔާޒް ހަސަން ލިޔުއްވާފައިވާ ފޮތް "ކުދިން ތަރުބިއްޔަތު ކުރުމަށް ފަހިމަގެއް" ނެރެދެއްވުމަށް ބޭއްވި ޖަލްސާގައި ވާހަކަފުޅު ދައްކަވަމުންނެވެ.
ފަޒުނާ ވިދާޅުވީ ކުދިން ތަރުބިއްޔަތު ކުރުމަށް އެންމެ ބޮޑަށް ބޭނުންވަނީ އެކުދިންގެ މައިންބަފައިން ރަނގަޅު ނަމޫނާއެއް އެކުދިންނަށް ދެެއްކުން ކަމަށާއި، މައިންފަފައިން އެގޮތުގައި ތިބެއްޖެ ކަމުގައިވާނަމަ އެކުދިންގެ މުސްތަގުބަލް އަލިވެގެންދާނެ ކަމަށެވެ.
ފަޒުނާ ވިދާޅުވީ އެކަމުގައި ދެމި ހުރެއްޖެ ނަމަ އެކުދިން އެމަގުންދާނެ ކަމަށާއި، ކުދިންން ތަރުބިއްޔަތު ކުރުމުގައި އެންމެ މުހިންމު ކަމަކީ މައިންބަފައިންގެ ކިބައިން ފެންނަ ރީތި ނަމޫނާ ކަމުގައެވެ.
އަދި ކޮންމެ ދުވަހަކީވެސް ކުދިން ތަރުބިއްޔަތު ކުރުމުގައި ދަސްކުރަންވީ ދުވަހެއް ކަމަށާއި، އެއްދުވަހުން އަނެއްދުވަހަށް އެކަން ރަނގަޅު ކުރުމަށް މަސައްކަތް ކުރަންޖެހޭނެ ކަމަށެވެ.
