ރައީސް ނަޝީދު މިހެން ވިދާޅުވީ، ދަ ޑިމޮކްރެޓްސް ޕާޓީގެ ރިޔާސީ ކެންޑިޑޭޓު އިލްޔާސް ލަބީބުގެ ކެމްޕޭން ދަތުރުފުޅުތަކުގައި ގއ. ކޮލަމާފުށްޓަށް ވަޑައިގެން އެ ރަށުގައި މިއަދު ބޭއްވި އެ ޕާޓީގެ ޖަލްސާއެއްގައި ވާހަކަފުޅު ދައްކަވަމުންނެވެ.
އެ ޖަލްސާގައި ރައީސް ނަޝީދުވަނީ ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށް އެކި ތުހުމަތުތައް ކުރައްވާފައެވެ.
މުއިއްޒު ވެރިކަމަށް ވަޑައިގެންފި ނަމަ ޕީޕީއެމް/ޕީއެންސީގެ ލީޑަރު، ރައީސް ޔާމީނަށް ޖެހިވަޑައިގަންނަވާނީ ހުދު ރައީސް ނަޝީދަށް ވެސް ޖެހިވަޑައިގެންނެވި ހާލުކޮޅު ކަމަށާއި، ވެރިކަމުގެ އެއްވެސް ކަމަކަށް ހިޔާލު ދެއްވުމުގެ ފުރުސަތު ޔާމީނަށް އޭރުން ނޯންނާނެ ކަަމަށް ރައީސް ނަޝީދު ވިދާޅުވިއެވެ. އަދި ރައީސް ޔާމީނުގެ ފުރާނަފުޅަށް ނުރައްކާވާ ހާލަަތަށް ކަންތައްތައް ދާނެ ކަމަށް ވެސް އެމަނިކުފާނު ވަނީ ވިދާޅުވެފައެވެ.
ހަމައެއާއެކު، މުއިއްޒުގެ ސަރުކާރެއްގައި ގެއްލުން ވާނީ ހަމަ އެކަނި ރައީސް ޔާމީނަކަށް ނޫންކަމަށާއި، މުޅި ރާއްޖެއަށް ވެސް އޭގެ ގެއްލުންވާނެ ކަމަށް ތުހުމަތުކުރައްވަމުން ރައީސް ނަޝީދު ވިދާޅުވީ އެދުވަހަކުން ރައްޔިތުންގެ އަތުން ރާއްޖެ ބީވެގެންދާނެކަމަށެވެ.
ޕީޕީއެމް/ޕީއެންސީގެ ރިޔާސީ ކެންޑިޑޭޓަށް ކުރެއްވި ތުހުމަތުތަކާއެކު އެ ޕާޓީގެ މެމްބަރުންނަށް ރައީސް ނަޝީދު ގޮވައިލެއްވީ ރިޔާސީ އިންތިހާބުގައި ޑިމޮކްރެޓްސްގެ ކެންޑިޑޭޓް އިލްޔާސް ލަބީބަށް ތާއީދުކުރެއްވުމަށެވެ.
