އިލްޔާސް މިހެން ވިދާޅުވީ ބޯހިޔާވަހި ކަމުގެ މައްސަލައަކީ ވިލިގިލީގައިވެސް ވަރަށްބޮޑު މައްސަލައެއް ކަމަށް ފާހަގަ ކުރަމުންނެވެ. ވިލީގިލީގައި ވެސް ބިންހިއްކާފަ އެބަ އޮތް ކަމަށާއި، ނަމަވެސް އެ ބިމުގެ ބޭނުން އޮތީ ނުކުރެވިފައި ކަމަށް އިލްޔާސް ވިދާޅުވިއެވެ.
އިލްޔާސް އިތުރަށް ވިދާޅުވީ މިހާރު ވިލިގިލީގައި ހިއްކާފައިވާ ތަނުގައި ފެނާއި ނަރުދަމާއާއި، އިންޓެނެޓާއި، ކޭބަލްޓީވީއާއި، މަގުތަކާއި އެކީ 300 ހައުސިން ޔުނިޓް އަޅާއިދޭނެ ކަމެށެވެ.
އެ މަސައްކަތް ކޮށްދޭނީ ކައުންސިލް އާއި އެކުގައި ކަމަށާއި، ކުރިއަށްދާނީ ކައުންސިލްއަށް އާމްދަނީ ވަންނާނެ ގޮތަށް ކަމަށެވެ. ހައުސިން ޔުނިޓްތައް އެޅުމަށްފަހު މާލޭގައި ހުންނަ ކުންފުއްޏަކާއި ހަވާލު ކުރެވޭ ކަމަށާއި، އެގޮތަށް ހަވާލު ކުރުމަކީ އެބޭފުޅާގެ ވެރިކަމެއްގައި ކުރާނެ ކަމެއްނޫން ކަމަށެވެ.
އެތަނުގައި ފީ ދައްކަންޖެހޭނީ ކައުންސިލުން ކަމަށާއި، ލިބޭފައިސާތައް ވެސް ލިބެންޖެހޭނީ ކައުންސިލަށް ކަމަށްވެސް އިލްޔާސް ވިދާޅުވިއެވެ.
ކައުންސިލަކީ ރައްޔިތުން އިންތިހާބު ކޮށްފައިވާ ބަޔެއް ކަމަށާއި، ލާމަރުކަޒީ ނިޒާމުން ހިންގުމަށް ވެރިކަމެއް އަންނައިރު ކައުންސިލްތަކާއި އެކު މަސައްކަތް ކުރެވެން ޖެހޭ ކަމަށެވެ.
