ހދ. ނެއްލައިދޫ
މުދާ ބަލާ ކުޅުދުއްފުއްޓަށް ދަތުރު ކުރަމުންދިޔަ ނެއްލައިދޫ ދޯންޏެއް އަޑިޔަށް ގޮސްފި
މުސްލިމާ ހަސަން
14 އޯގަސްޓް 2023 - 19:16:30
ހދ. ނެއްލައިދޫން ފުރައިގެން ކުޅުދުއްފުއްޓަށް ދަތުރު ކުރަމުންދިޔަ ދޯންޏެއް އަޑިޔަށް ގޮސްފިއެވެ.
Advertisement
ނެއްލައިދޫ ކައުންސިލްގެ ނައިބު ރައީސް އަހުމަދު ރަޝީދު ސީއެންއެމް އަށް މައުލޫމާތު ދެއްވަމުން ވިދާޅުވެފައިވަނީ އެ ދޯނި އަޑިޔަށް ގޮސްފައިވަނީ މިއަދު މެންދުރު ވަގުތެއްގައި މުދާ ބަލާ ކުޅުދުއްފުއްޓަށް ދަތުރު ކުރަމުން ދަނިކޮށް ކަމަށެވެ.
އެއީ 'މަގުސަދު' ނަމަކަށް ކިޔާ ދޯއްޏެއް ކަމަށާއި، އެދޯނި ރަށުން ފުރައިގެންދިޔައިރު، ދޯނީގައި ދެ ސައިކަލާއި، ދެ ޓީވީ ވެސް ހުއްޓެވެ.
"ދިރުބާ ކޮޅު ފުރަތަމަ އަޑިޔަށް ދިޔައީ. އެއްވެސް މީހަކަށް ގެއްލުމެއް ނުލިބޭ،" އަހުމަދު ވިދާޅުވިއެވެ.
ހދ. ނެއްލައިދޫ "މަގުސަދު" ދޯނި
އެ ދޯންޏަކީ ގިނަދުވަސް ވަންދެން ދަތުރު ނުކޮށް އޮތް ދޯންނެއް ކަމަށާއި، ބެލެވޭ ގޮތުގައި ގިނަ ދުވަހު ދަތުރު ނުކޮށް އޮވެފައި ދަތުރު ކުރީމަ ދިމާވި ކަމެއް ކަމަށްވެދާނެކަމަށް އަހުމަދު ވިދާޅުވި އެވެ.
މިކަމުގައި ކުރިނބީ ކައުންސިލުންނާއި އެމްޓިސީސީން ވަރަށް ބޮޑު އެއްބާރުލުމެއް ދިންކަމަށާއި، އެކަމުގައި އެހީތެރިވި އެންމެނަށް ޝުކުރުވެރިވާ ކަމަށް އަހުމަދު ވިދާޅުވިއެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
