ރައީސް ނަޝީދު އެހީއަށް އެދިވަޑައިގަތީ މިއަދު ރިޔާސީ އިންތިހާބު މޮނިޓާ ކުރުމަށް އީޔޫ އިން ރާއްޖެ ފޮނުވާ ޓީމުގެ ޗީފަކަށް ހަމަޖައްސާފައިވާ ޔޫރަޕިއަން ޕާލަމެންޓުގެ މެންބަރު، ނާޗޯ ސަންޗެޒް އަމޯރްގެ އަރިހުންނެވެ.
ރައީސް ނަޝީދު ވިދާޅުވެފައިވަނީ، ރިޔާސީ އިންތިހާބު އިންސާފުވެރިކޮށް ކުރިއަށް ގެންދިއުމަށް ރައީސް ޔާމިން ގެއަށް ބަދަލުކުރަންޖެހޭކަމަށެވެ.
ނާޗޯ ސަންޗެޒް އަމޯރް މިއަދު ވަނީ ނަޝީދުގެ އަރިހަށް އިހުތިރާމުގެ ޒިޔާރަތެއް ކުރައްވައިފައެވެ.
މި ބައްދަލުވުމުގައި ނަޝީދުގެ އަރިހުގައި މަޖިލީހުގެ އަމީންއާންމާއި ކައުންސެލް ޖެނެރަލްގެ އިތުރުން މަޑުއްވަރީ ދާއިރާގެ މެންބަރު އާދަމް ޝަރީފާއި މެދުހެންވެއިރު ދާއިރާގެ މެންބަރު އަލީ އާޒިމް ބައިވެރިވެވަޑައިގެންނެވިއެވެ.
ކުރީގެ ރައީސް އަބްދުﷲ ޔާމިން ޖަލުން ނެރެން ކުރަންޖެހޭ މަސައްކަތްތައް ކުރާނެކަމަށާއި، އިދިކޮޅު ކޯލިޝާނައެކު މަގުމައްޗަށް ވެސް ދަ ޑިމޮކްރެޓުން ނުކުންނާނެކަމަށް ރައީސް މުހައްމަދު ނަޝީދު ވަނީ މިމަހުގެ ތެރޭގައި ވިދާޅުވެފައެވެ. ރައީސް ނަަޝީދު މިހެން ވިދާޅުވީ ފުވައްމުލަކުގައި ދަ ޑިމޮކްރެޓުން މިރޭ ބޭއްވި ޖަލްސާގައި ވާހަކަ ދައްކަވަމުންނެވެ.
ރައީސް ނަޝީދު ވިދާޅުވީ ބައިނަލް އަގުވާމީ މުޖުތަަމައުގައި ވެސް ރައީސް ޔާމިން މިނިވަން ކުރަން ދަ ޑިމޮކްރެޓުން ގޮވާލާނެކަމަށާއި، ބައިނަލްއަގުވާމީ ލޯޔަރުން ވެސް ރާއްޖެގެނެސް ރައީސް ޔާމިން މިނިވަން ކުރުމުގެ މަސައްކަތް ކުރައްވާނެކަމަށެވެ.
