އިސްލާމިކް މިނިސްޓްރީން ނެރުނު ބަޔާނެއްގައި ބުނެފައިވަނީ މިނިސްޓްރީގެ ހުއްދަނެތި ބައެއް ކުންފުނިތަކުން ވިޔަފާރި އުސޫލުން އުމުރާ އަށް މީހުން ގެންދާކަން ފާހަގަ ކުރެވިފައިވާ ކަމަށާއި، މިނިސްޓްރީގެ ހުއްދަ ލިބިގެން މެނުވީ ވިޔަފާރި އުސޫލުން އެއްވެސް ކުންފުޏްޏަކުން އެއްވެސް ބަޔަކު ގެންދިއުމަކީ މަނާކަމެއް ކަމަށެވެ.
މިނިސްޓްރީގެ އުސޫލާއި ހިލާފަށް މީހުން އުމުރާ އަށް ގެންދާ ފަރާތްތަކާއި މެދު ފިޔަވަޅު އަޅާ ބަލާނެ ކަމަށްވެސް ބުނެފައި ވެއެވެ.
އަދި އިތުރަށް ބަޔާނުގައި ބުނެފައިވަނީ މިނިސްޓްރީގެ އެންގެވުމާއެކު، އުސޫލާއި ހިލާފަށް އެއްވެސް ފަރާތްތަކުން އަމަލު ކޮށްގެން ދިމާވާ ކަމެއްގެ ޒިންމާ އުފުލަން ޖެހޭނީ އެފަރަތަކުން ކަމަށާއި، އެކަމަށް ރައްޔިތުންވެސް ސަމާލުވެތިބުމަށް އިލްތިމާސް ކުރާ ކަމަށެވެ.
މިނިސްޓްރީން ހުއްދަ ދީފައިވާ ކުންފުނިތައް މިނިސްޓްރީގެ ވެބްސައިޓްތަކުގައި އާންމު ކުރެވިފައިވާނެ ކަމަށާއި، އެއްވެސް ކުންފުންޏަކަށް އުމުރާގެ އަޅުކަމަށް ދިއުމަށް ފައިސާ ނުދެއްކުމަށް ވެސް މިނިސްޓްރީން ވަނީ އިލްތިމާސް ކޮށްފައެވެ.
