މާރިޔާ މިހެން ވިދާޅުވީ މިއަދު ބޭއްވި ޕްރެސް ކޮންފަރެންސްގައި ވާހަކަ ދައްކަވަމުންނެވެ.
މާރިޔާ ވިދާޅުވީ "ޕީއެންސީ-ސަލަފް" ކެނޑިޑޭޓަކަށް މުއިއްޒު ވަނީ ސަލަފްގެ ފަހަރަކު ބޭފުޅަކު ވަޑައިގެން މުއިއްޒުއަށް ތާއީދު ކުރަމުން ގެންދާތީކަމަށެވެ.
މާރިޔާ މިހެން ވިދާޅުވެފައިވާއިރު، މިދިޔަ މޭމަހުގެ ތެރޭގައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ އިތުބާރު ނެތް ކަމުގެ މައްސަލަ ރައްޔިތުންގެ މަޖިލީހަށް ވެއްދުމަށް ޖަމިއްޔަތުއްސަލަފުގެ ރައީސް އައްޝައިހް އަބްދުﷲ ބިން މުހައްމަދު ވަނީ ގޮވާލައްވާފައެވެ.
އޭނާ ވިދާޅުވީ ރައީސް ސޯލިހުގެ އިތުބާރު ނެތް ކަމުގެ މައްސަލަ ރައްޔިތުންގެ މަޖިލީހަށް ވެއްދުމަކީ ގައުމީ މަސްލަހަތެއް ކަމަށެވެ.
ސަލަފަކީ ދީނީ ޖަމިއްޔާއެއްގެ ނަމުގައި އުފައްދާފައިވާ ޖަމިއްޔާއެއް ނަމަވެސް، އެ ޖަމިއްޔާއިން ވަނީ 2018 ވަނަ އަަހަރު ވެސް ޕީޕީއެމްގެ ކެނޑިޑޭޓު އަދި މިހާރު މަނީ ލޯންޑަރިންގެ މައްސަލައެއްގައި 11 އަަހަރުގެ ޖަލު ހުކުމެއް ތަންފީޒު ކުރަމުން އަންނަ ރައީސް އަބްދުﷲ ޔާމިންއަށް ތާއީދު ކުރަން ނިންމާފައެވެ. އަދި ސިޔާސީ ގިނަ ކަންތައްތަކެއްގައި އެ ޖަމިއްޔާއިން އަބަދުވެސް އަޑު އުފުލައެވެ.
ގާނޫނުގައި ބުނާ ކަންކަން ހަމަނުކުރާތީ ޔޫތް މިނިސްޓްރީން ދާދިފަހުން ސަލަފް އުވާލަންވެސް އިއުލާނުކުރިއެވެ.
