ޑިމޮކްރެޓުން މިއަދު ބުނީ ރިޔާސީ ކެމްޕޭނުގައި ހއ. ދިއްދޫގައި ހުންނަވާ އިލްޔާސް ވިދާޅުވީ ހަނިމާދޫ އެއާޕޯޓާއި ކުޅުދުއްފުށީ ވިޔަފާރި ބަނދަރާއެކީއެ ސަރަހައްދުގައި ޓޫރިޒަމް ވަސީލަތްތައް ގާއިމުވާން ޖެހޭ ކަމަށެވެ. އެގޮތުން އެ ސަރަހައްދުގައި ޓޫރިސްޓު ރިސޯޓުތައް ގާއިމުވެ، އެ ސަރަހައްދުގެ ރަށްރަށުގައި ގެސްޓްހައުސްތަކާއި ސިޓީ ހޮޓާތައް ތަރައްގީކުރުވެންޖެހޭ ކަމަށް އިލްޔާސް ވިދާޅުވިކަމަށް އެ ޕާޓީން މިއަދު ބުންޏެވެ.
އެ ޕާޓީން ބުނީ ޑިމޮކްރެޓްސްގެ ވެރިކަމެއްގައި ބޮޑުތިލަދުންމަތީގެ ފަތުރުވެރިކަން ކުރިއެރުވުމަށްޓަކާ އެ ސަރަހައްދުގައި، ފަތުރުވެރިކަމުގެ ހަރަކާތްތައް ހިންގުމަށް އިންވެސްޓްކުރާ ފަރާތްތަކަށް ބޮޑެތި އިންސެންޓިވްތަކެއް ދިނުމަށް އެ ޕާޓީގެ ރިޔާސީ ކެންޑިޑޭޓު އިލްޔާސް ލަބީބު ވައުދުވެވަޑައިގެންފައިވާކަމަށެވެ.
އިލްޔާސް ލަބީބް:
ދިއްދޫގައި އިލްޔާސް ވައުދުވެލެއްވި ބައެއް ކަންކަން:
- ގެސްޓްހައުސް އާއި ބުޓިކް ހޮޓާތައް ފަދަ ކުދި ވިޔަފާރިތައް ހިންގަން ބޭނުންވާ ފަރާތްތަކަށް ބޭނުންވާ ފައިސާ ސަރުކާރުން ފޯރުކޮށްދޭނެ
- އިކުއިޓީއެއް ނެތި، މޯގޭޖު ކުރުމެއް ނެތި، ފަތުރުވެރިކަމުގެ ދާއިރާއިން ކުރަން ބޭނުންވާ ވިޔަފާރިއެއް ހިންގުމަށް ބޭނުންވާ ފީސިބަލް ޕްލޭނެއް ހުށަހެޅުމުން އެކަމަކަށް ސަރުކާރުން ފައިސާ ދޫކުރާނެ
- ގެސްޓު ހައުސް ބެޑުގެ އަދަދު ފަސްގުނަ ކުރާނަން
