ނޮޅިވަރަމުގައި ޖޭޕީން ބޭއްވި ޖަލްސާގައި ވާހަކަ ދައްކަވަމުން ގާސިމު ވިދާޅުވީ ސިޔާސީ މީހުންނަކީ އެކި ދުވަހު އެކި ގޮތަށް އެކި ތަންތަނުގައި މަސައްކަތްކޮށްފާނެ ބައެއް ކަމަށާއި އެއީ ދުނިޔޭގެ ހަގީގަތް ކަމަށެވެ. ނަމަވެސް އެއީ ޖަޒުބާތުގައި ޖެހި، ދިމާކޮށް އެކަކު އަނެކަކަށް އެއްޗެހި ކިޔަން ޖެހޭ ސަބަބެއް ނޫން ކަމަށާއި އެއީ ސިޔާސީ ކަންކަމުގައި އުޅޭ މީހުން ކަން ކުރާ ގޮތެއް ނޫން ކަމަށެވެ.
ގާސިމުވަނީ ޕީޕީއެމްގެ މެންބަރުންނަށް ނިސްބަތްކޮށް ބައެއް ސުވާލުތައް ވެސް ކުރައްވާފައެވެ.
އެވާހަކަތަކަށްފަހު ގާސިމުވަނީ އެމަނިކުފާނު އެދެއްކެވި ވާހަކަތަކާ މެދު ހިތުގައި ބުރަކަމެއް ނުބާއްވަން އެދިވަޑައިގެންފައެވެ. ނަމަވެސް އެއީ އެންމެން ގަބޫލު ކުރަން ޖެހޭ ފިލާވަޅެއް ކަމަށް ގާސިމު ވިދާޅުވިއެވެ.
ނިހާނަކީ ޕީޕީއެމްގެ ސަރުކާރުގައި އެޕާޓީގެ ޕާލިމެންޓްރީ ގުރޫޕުގެ ލީޑަރެވެ. ރިޔާސީ އިންތިހާބުގައި ޕީޕީއެމަށް ނާކާމިޔާބުވުމުން ނިހާންގެ އިތުރުން ވެސް ބައެއް ބޭފުޅުން ޕީޕީއެމް ދޫކުރައްވާ ޖޭޕީއާއި ގުޅިވަޑައިގެންނެވިއެވެ.
