މިރޭ އެމްއެންޕީގެ ޖަލްސާގައި ނާޒިމް ވަނީ ވަރަށް ބޮޑަށް ހުރާއަށް ފާޑުވިދާޅުވެ ވާހަކަފުޅު ދައްކަވާފައެވެ. 

ނާޒިމް ވިދާޅުވީ ހަމައެެކަނި އެރަށަށް އައިސްފައިވާ ބަދަލަކީ "ފިހާރަތަކުން ގެސްޓުންނަށް ވިޔަފާރި ކުރާ އެއްޗެހި އަޅުވާފަ ބެހެއްޓުން" ކަމަށާއި، އެ ނޫން ބަދަލެއް ނުފެންނަ ކަމަށެވެ.

ފެނާއި ބަނދަރާއި ނަރުދަމާއެޅުމަކީ އެރަށަށް ހައްގު މިންވަރު ނޫންކަމަށް ވެސް ނާޒިމް ވިދާޅުވިއެވެ.

.

ނާޒިމް ވިދާޅުވީ ހުރާގެ ވަޒީފާގައި ތިބީ ބޭރު މީހުން ކަމަށެވެ.  އެކަމަށް ނިމުމެއް ގެންނަން ޖެހޭ ކަމަށެވެ. 

ނާޒިމް ވިދާޅުވެފައިވަނީ ފެނަކައިގެ ތެރެއިން ވަޒީފާ ހަމަޖައްސަވައި ދެއްވާނެކަމަށެވެ. 

ކ.ހުރާ

ނާޒިމްގެ ވާހަކަތަކާ ހުރާ ކައުންސިލް ގެ ވާހަކަތައް ދެކޮޅު:

• ހުރޭގެ ގިނަ ޒުވާނުން ވަޒީފާއަށް ދޭ އަދި އަތްމަތި ތަނަވަސް ކަމަށް ކައުންސިލުން ބުނޭ!

ހުރާ ކައުންސްލގެ ރައީސް އިސާ އަހުމަދު މީގެ ކުރިން "ސީއެންއެމް" އަށް ވިދާޅުވެފައިވަނީ މީގެ ހަތް އަހަރު ކުރިން ފެށިގެން މިއަދާ ހަމަޔަށް އައި އިރު، އެ ރަށުގެ އެއްވެސް ރައްޔިތަކު ފަގީރުންގެ ލިސްްޓުގައި ޖެހިފައި ނުވާކަަމަށެވެ. 

ސަބަބަކަށް ވިދާޅުވީ، އާބާދީގެ ގިނަ މީހުން ވަޒީފާތަކުގައި އުޅެމުންދިއުމެވެ.

އެ ރަށުގެ ރައްޔިތުން ފަގީރުންގެ ދަފްތަރުގައި ޖެހެން ބޭނުނުވާ ސަބަބު އިތުރަށް ވިދާޅުވަމުން އީސާ ފާހަގަ ކުރެއްވީ އެ ރަށުގެ ކައިރީގައި ރިސޯޓްތައް ތިބުމާއި، އަމިއްލަ މަަސައްކަތްތަށް އެ ރަށުގައި ފުޅާވެފައި ވުމާއި، ރަށުގެ ހުންނަ އެކި އެކި ގެސްޓް ހައުސްތަކުގެ ވަޒީފާގައި ގިނަބަޔަކު އުޅުމެވެ.

އެހެންކަމުން އަތްމަތި ތަނަވަސްވެ ރައްޔިތުންގެ ފުދުން ތެރިކަން އިތުރުވެފައިވާތީ އެއްވެސް ރައްޔިތަކު ފަގީރުންގެ ލިސްޓްގައި ޖެހެންބޭނުން ނުވަނީ ކަމަށް އީސަ ވިދާޅުވިއެވެ. 

ކ. ހުރާ--

ރަށުގެ ނިސްބަތުން ރަށުގެ އެންމެން ކަހަލަ ގޮތަކަށް ވަޒީފާތަކަށްދާ ކަމަށާއި، ރަށަކީ ފުދުން ތެރި ފަގީރުންގެ ކެޓަގެރީގައި ނުހިމެނޭ ރަށެއް ކަމަށް އޭނާ ވިދާޅުވިއެވެ.