މިއީ މި އަހަރުގެ ޖޫން މަހާ އަޅާބަލާއިރު، 14،650 ބަސްތާ އިތުރު އަދަދެކެވެ. މިދިޔަ ޖޫން މަހު އެ ކުންފުނިން ވަނީ 78،149 ބަސްތާގެ ކާޑު މާލެ ސަރަހައްދާއި އެ ކުންފުނީގެ ފަސް ރީޖަނަލް އެޖެންޓުންގެ އިތުރުން 547 ކާޑު އެޖެންޓުން މެދުވެރިކޮށް ފޯރުކޮށްދީފައެވެ.
ރާއްޖޭގެ އެކި ހިސާބުތަކަށް ކާޑުގެ ބާވަތްތައް ފޯރުކޮށްދިނުމަށް އެސްޓީއޯއިން އަންނަނީ ގިނަ މަސައްކަތްތަކެއް ކުރަމުންނެވެ. އެގޮތުން ކުރެވެމުންދާ މަސައްކަތްތަކުގެ ތެރެއިން ނިމިދިޔަ މަހު ރާއްޖޭގެ އެކި ސަރަހައްދުތަކަށް ކާޑުގެ ބާވަތްތައް ފޮނުވާފައިވާ ގޮތުގެ ތަފާސް ހިސާބުތައް އެސްޓީއޯއިން ވަނީ އާންމުކޮށްފައެވެ.
ޖުލައި މަހުގެ ތެރޭގައި އެސްޓީއޯއިން ވިއްކާފައިވާ ކާޑުގެ ބާވަތްތައް:
- ހަނޑޫ - 44،582 ބަސްތާ
- ހަކުރު - 14،817 ބަސްތާ
- ގޮދަން ފުށް - 33،400
އެސްޓީއޯއިން ބުނެފައިވާ ގޮތުގައި ވޭތުވެދިޔަ މަހު މާލެ ސަރަހައްދުން 1،471 ފަރާތަކަށް 20،531 ބަސްތާ ހަނޑުލާއި 6،941 ބަސްތާގެ ހަކުރު އަދި 14،671 ބަސްތާގެ ފުށް ފޯރުކޮށްދީފައިވާ ކަމުގައެވެ.
ނިމިދިޔަ މަހު އެ ކުންފުނީގެ ހަތް ރީޖަނަލް އެޖެންޓުން މެދުވެރިކޮށް 4،910 ބަސްތާ ހަނޑުލާއި 1،482 ބަސްތާ ހަކުރުގެ އިތުރުން 4،035 ބަސްތާ ފުށް ފޮނުވާފައިވާ ކަމަށް އެސްޓީއޯގެ ތަފާސް ހިސާބުތަކުން ދައްކައެވެ.
އަތޮޅުތެރެއަށް ބޭނުންވާ ކާޑުގެ ބާވަތްތައް އެސްޓީއޯއިން ފޯރުކޮށްދެމުން ދަނީ އެ ކުންފުނީގެ ކާޑު އެޖެންޓުން މެދުވެރިކޮށެވެ. އެގޮތުން ޖުލައި މަހު އެ ކުންފުނީގެ ކާޑު އެޖެންޓުންގެ ގޮތުގައި ތިބި 606 ފަރާތެއް މެދުވެރިކޮށް ރަށްތަކަށް 19،141 ބަސްތާ ހަނޑޫ، 6،394 ބަސްތާ ހަކުރު އަދި 14،694 ބަސްތާގެ ފުށް ފޮނުވާފައިވެއެވެ.
