އެމަސައްކަތަށް އެންމެ ބޮޑު ބާރެއްދޭނީ ވެސް އެ ކުއްޖެއްގެ މަންމަ ބައްޕަ ނުވަތަ އާއިލާގެ ކޮންމެވެސް މީހެކެވެ. މިގޮތަށް ގއ. ކަނޑުހުޅުދޫ ސުކޫލްގެ ދަރިވަރު ރައްޔާން އަހުމަދުވެސް ކިޔެވުމުގެ ބިޔަ ރާޅުތަކުގެ ތެރެއިން ފީނާ ހިކި ފަސް ތަނަކަށް ފައި ބީއްސާލުމަށެވެ.
އެ ދަތުރުގައި އޭނާ ސަމުގާއަކަށް ބެލީ މަންމަ، ބައްޕަ އަދި އާއިލާގެ އެހީތެރިކަމެވެ.
ރައްޔާން ބުނީ ކިޔެވުމަށް ކުރި މަސައްކަތަކީ އޭނާ އަށް ހާސިލްވެދާނެ ވަނަޔަކަށް ކުރި އުއްމީދެއް ނޫން ކަމަށާއި، މަންމަ އަބަދުވެސް ކިޔަވަން ބުނާތީ ކިޔެވީކަމަށެވެ.
އެއީ މައިންބަފައިންގެ ހުވަފެން ހަގީގަތަކަށް ހެދުމަށް ކުރި މަސައްކަތް ކަމަށެވެ. ރައްޔާން ވަނީ އޯލެވެލްގެ ގަދަ 10 އެއްގައި ހިމެނިފައެވެ.
ރައްޔާން ވަނީ އޭނާ 10 އަހަރުވަންދެން ކިޔެވި ސުކޫލަށް ރީތިނަން ހޯދައިދީފައެވެ. ރައްޔާން ބުނީ އަދިވެސް ކިޔަންވަން ބޭނުންވާ ކަމަށާއި، މަންމަޔާއި ބައްޕަގެ ހުވަފެން ހަގީގަތަށް ހެދޭތޯ އިތުރަށްވެސް މަސައްކަތް ކުރާނެ ކަމަށެވެ.
ކުޅިވަރާއި އެހެނިހެން ކަންކަމުގައިވެސް ރައްޔާން އަކީ ސުކޫލުން އިސްނަގައިގެން ހަރަކާތްތެރިވާ ދަރިވަރެކެވެެ. އެކަން ރައްޔާންގެ ކުލާސް މޭޓޫންވެސް ފާހަގަ ކުރެއެވެ. އެގޮތުން ކުލާސް މޭޓޫން ފާހަގަ ކުރާ ގޮތުގަ ރައްޔާން އަކީ ހުނަރުވެރި ކުދިންނާއި ގުޅިގެން މަސައްކަތް ކުރާ ކުއްޖެކެވެ.
ރައްޔާން އަހުމަދު...
ރާއިޝް ސިފަ ކުރާ ގޮތުގައި ގުޅިގެން މަސައްކަތްކުރުމަށް ވެސް ރައްޔާން އަކީ ހަމަ އެއްވަނަ އެވެ. އަދި ސުކޫލުގައި އޭނާ ބޮޑަށް ފާހަގަވެގެންދަނީ އިތުރު ހަރަކާތްތަކުގެ ތެރެއިންނެވެ.
ރައްޔާން އާއި އޭނާގެ ކުލާސް މޭޓެއް....
ރައްޔާން ވަނީ ގުރޭޑް ނުވައެއްގައި ސުކޫލުގެ ހެޑްޕްރިފެކްޓްގެ މަގާމް އަދާކޮށްފައެވެ. އަދި 10 އެއްގައި ސުކޫލުގެ ކެޕްޓަންކަމުގެ މަގާމުގައި ވެސް އުޅެފައެވެ. ރައްޔާން ބުނާ ގޮތުން ކިޔެވުމަށް ވަކި ދިމާލެއް ހާސިލް ކުރުމަކީ އޭނަ ގަބޫލު ކުރާ ކަމެއްނޫނެވެ.
ރައްޔާން ގަބޫލު ކުރަނީ މަންމައާއި ބައްޕަ ބުނާގޮތަށް ހަދައިގެން ކިޔަވައިފި ކަމުގައިވާނަމަ މޮޅު ވަނަޔެއް ހާސިލް ކުރުމަކީ އެއްވެސް އުނދަގުލަކާއި ނުލާ ކުރިއަށް ދެވޭނެ އެންމެ ފަސޭހަ ގޮތް ކަމަށެވެ.
ކޮންމެ ކުއްޖެއްގެ ވެސް ދެވަނަ މައިންބަފައިން ކަމަށްވާ ޓީޗަރުން ދެއްވާ އިރުޝާދާއި އެއްގޮތަށް ކުރިއަށް ގޮސްފި ކަމުގައިވާނަމަ ފަސޭހަ ކަމާއި އެކު ކުރިއަށް ދެވިދާނެ ކަމަށެވެ.
