ފައްޔާޒު---
ސަރުކާރުން ގޯތި ދެނީ ކަނޑުންނޭ ކިޔަނީ އޮޅުވާލަން: ފައްޔާޒު
އިބްރާހިމް މާރިފް
20 އޯގަސްޓް 2023 - 20:35:59
ސަރުކާރުން މާލެ މީހުންނަށް ގޯތި ދެނީ ކަނޑުން ކަމަށް ބުނެ އިދިކޮޅު ފަރާތްތަކުން ވާހަކަ ދައްކަމުން ދަނީ އޮޅުވާލާ ނަފުރަތު އުފައްދަން ކަމަށް އެމްޑީޕީގެ ޗެއާޕާސަން ފައްޔާޒު އިސްމާއީލު ވިދާޅުވެއްޖެއެވެ.
Advertisement
ގަލޮޅު އުތުރު ޖަގަހަ ހުޅުވަން ރޭ ބޭއްވި ރަސްމިއްޔާތުގައި ވާހަކަ ދައްކަވަމުން ފައްޔާޒު ވިދާޅުވީ ވޭތުވެ ދިޔަ 40 ވަރަކަށް އަހަރު މާލެއިން ގޯތި ދޭން ނުކެރުނީ ކަމަށާއި އެކަން ކުރަން ކެރުނީ ރައީސް އިބްރާހީމު މުހައްމަދު ސޯލިހަށް ކަމަށެވެ.
"އެ ބުނަނީ ކަނޑު އަޑީގައޭ. މިހާރު އެއޮށް ފެންނަނީ ހިކެމުން ހިކެމުން ދާތަން. ގުޅީފަޅު ހިކެނީ، ގިރާވަރު ހިކެނީ، ހުޅުމާލޭގައި ފަށާނެ ހަފުތާއެއް ތެރޭގައި ބާކީ އޮތްތަން ހިއްކަން،" ފައްޔާޒު ވިދަޅުވިއެވެ.
ފައްޔާޒު ވިދާޅުވީ ގޯއްޗަށް 22000 އަށްވުރެ ގިނަ މީހުން ކުރިމަތިލާފައިވާ ކަމަށާއި އޭގެތެރެއިން 19000 ވުރެ ގިނަ މީހުންނަށް ގޯތި ދޭނެ ކަމަށެވެ.
ބިންވެރިޔާ ސްކީމުގެ ދަށުން ސަރުކާރުން ހުޅުވާލި ފުރުސަތުގައި ގޯއްޗަށް އެދި ކުރިމަތިލީ ފަރާތްތަކުގެ ތެރެއިން 18،955 މީހެއްގެ ޝަރުތު ފުރިހަމަވެއެވެ. ހައުސިން މިނިސްޓްރީން މިހާރުދަނީ ޝަރުތު ފުރިހަމަވާ ފަރާތްތަކަށް ގުރުއަތުލުމުގެ މަސައްކަތް ގަލޮޅު ދަނޑުގައި ކުރަމުންނެވެ.
ޝަރުތު ހަމަވާ ފަރާތްތަކަށް ދައުރު ނިމުމުގެ ކުރިން ގޯތި ދޭނެ ކަމަށް ސަރުކާރުން ވަނީ ބުނެފައެވެ.
75%
ކަމުގޮސްފި
25%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
