އަލްހާން ފަހުމީގެ ޕާސްޕޯޓް، ކޯޓު އަމުރެއްގެ ދަށުން ހިފަހައްޓައި، އޭނާ ފުރުން މަނާކޮށްފައިވާކަން ފުލުހުންވަނީ ކަށަވަރުކޮށްދީފައެވެ. އެހެންނަމަވެސް އެއީ ކޮން މައްސަލައަކާ ގުޅިގެން ކަމެއް ސާފެއް ނުވެއެވެ. އެކަން ފުލުހުން އަދި ހާމަކޮށްފައެއްވެސް ނުވެއެވެ.
އަލްހާންގެ ޕާސްޕޯޓް ހިފެހެއްޓީ ކޮން މައްސަލައަކާ ގުޅިގެންކަން ފުލުހުން ހާމަ ނުކުރިޔަސް، އަލްހާންގެ މަސްލަހަތު އޮންނަ ކިންގްސް ކުންފުނީގެ ހިއްސާދާރުންގެ މައްޗަށް މަނީ ލޯންޑްރިންގެ ތުހުމަތުކޮށް، ފުލުހުން އަންނަނީ ޖިނާއީ މައްސަލައެއް ތަހުގީގު ކުރަމުންނެވެ. އެއީ ގިނަ ބައެއްގެ އަތުން ފައިސާ ނަގައިގެން އޮންލައިން ޓްރޭޑިންގެ ވިޔަފާރީގައި މަކަރު ހެދި ކަމަށް ތުހުމަތުވާ މައްސަލައެއްގައެވެ.
އަލްހާންގެ ހުއްސާ އޮންނަ ކިންގްސް ކެޕިޓަލްގައި ފައިސާ އިންވެސްޓްކުރި މީހަކަށް 90،000ރ. އަނބުރާ ދައްކަން ކިންގްސްގެ މައްޗަށް ސިވިލް ކޯޓުން މީގެ ދުވަސްކޮޅެއް ކުރިން ހުކުމެއްވެސް ކޮށްފައިވެއެވެ.
