ބާރަށު ސައިނިންގސްޓަރ، މުޙައްމަދު ތަޢުފީޤު (35އ)
ތައުފީގު ގެއްލުނީ ޑިއުޓީއަށްކަމަށް ބުނެ ނުކުމެގެން ދިޔަފަހުން: އާއިލާ
މުސްލިމާ ހަސަން
26 އޯގަސްޓް 2023 - 17:24:30
ފުލުހުން ގެއްލިގެން ހޯދަން އިއުލާނު ކޮށްފައިވާ ހއ. ބާރަށު ސައިނިންސްޓާ، މުޙައްމަދު ތައުފީގު، 35 ގެއްލުނީ ޑިއުޓީއަށް ކަމަށް ބުނެ ގެއިން ނުކުމެގެން ދިޔަ ފަހުންކަމަށް އާއިލާއިން ބުނެފިއެވެ.
މިހެން މިއަދު ބުނީ މުހައްމަދު ތައުފީގުގެ ކޮއްކޮ "ސީއެންއެމް" އާ ވާހަކަ ދައްކަމުންނެވެ.
ތައުފީގް މަސައްކަތް ކުރަނީ ހުޅުމާލެ މާރްކޭޓްގައެވެ.
އޭނާ ޑިއުޓީއަށް ކަމަށްބުނެ ގެއިން ނުކުތްފަހުން ނުގުޅޭ ކަމަށާއި، ވީ ގޮތެއް އެނގިފައިނުވާ ކަމަށްވަނީ ބުނެފައެވެ.
އަދި އެ އާއިލާއިން ބުނީ "ބޭބެ މީގެ ކުރިންވަނީ ރިހިބިލިޓޭޝަން ފަރުވާ ހޯދާފަ. ފަރުވާ އަށްފަހު މާލޭގައި ހުންނަތާ މިހާރު ތިންމަވެސް ވެދާނެ. އެންމެފަހުން ލައިގެންހުރީ ގޮޅިޖެހި ރަތްކުލައިގެ ގަމީހަކާއި ނޫކުލައިގެ ޖީންސެއް،" ކަމަށެވެ.
ފުލުހުން އެދިފައި ވަނީ ތައުފީގާ ބެހޭ ގޮތުން އެއްވެސް މައުލޫމާތެއް ލިބިފައިވާނަމަ، ފުލުހުންގެ ހޮޓްލައިން 3322111 އަށް ނުވަތަ ހުޅުމާލެ ދެވަނަ ފިޔަވަހީގެ ޕޮލިސް ސްޓޭޝަންގެ ނަމްބަރު 9393351 އަށް ގުޅުމަށެވެ.
0%
ކަމުގޮސްފި
60%
އަޑުއެހިތާ މިހުރީ
20%
ސަތޭކައަކުން ސުމެއް
20%
ވަރަށް ސަލާމް
ކޮމެންޓްސް
