ޑރ. މައުސޫމް ޖުމްހޫރީ ޕާޓީން ވަކިވެ ވަޑައިގަތީ މިމަހު 7 ވަނަ ދުވަހުއެވެ.
މައުސޫމް ސަރުކާރުގައި ހުންނެވީ ޖޭޕީގެ ސްލޮޓެއްގައެވެ.
ޖުމްހޫރީ ޕާޓީން ވަކިވެ ވަޑައިގަތުމަށްފަހު ވަނީ އެ ޕާޓީގެ ލީޑަރާއި މެންބަރުންނަށް ޝުކުރު އަދާކުރައްވާފައެވެ.
އޭނާ ޖޭޕީއާ ގުޅިވަޑައިގަތީ 2014 ވަނަ އަހަރުވެއެވެ. އޭގެ ކުރިން ހުންނެވީ ރައީސް މައުމޫނުގެ ވެރިކަމުގައި އެމަނިކުފާނުގެ ޒައީމްކަމުގައި އުފައްދަވާފައި އޮތް ޑީއާރުޕީގައެވެ.
ރައީސް އިބްރާހިމް މުހައްމަދު ސޯލިހު ދެ ވަނަ ދައުރަކަށް ކުރިމަތިލައްވާފައިވާއިރު، އެމްޑީޕީއާ ގިނައަދަދެއްގެ ބަޔަކު މި މަހުވެސް ގުޅި ރައީސް ސާލިހުގެ "އުފާވެރި އަމާން ރާއްޖެ" މެނިފެސްޓޯގައިވާ ވައުދުތަކާ ރައީސް ސޯލިހަށް ތާއީދު ކުރާކަން ހާމަކޮށްފައެވެ.
މިގޮތުން އެމްޑީޕީ ދޫކޮށް ދަ ޑިމޮކްރެޓްސް އަށް ދިޔަ ރައްޔިތުންގެ މަޖިލީހުގެ ދެ މެންބަރަކު ވެސް ވަނީ އަލުން އަނބުރާ އެމްޑީޕީއާގުޅިފައެވެ. ކުޅުދުއްފުށީ ކައުންސިލްގެ މެޖޯރިޓީވެސް އެމްޑީޕީން ވަނީ އަލުން ނަގާފައެވެ.
