އެރަށުން "ސީއެންއެމް" އާއި ވާހަކަ ދެއްކި މީހަކު ބުނީ އެގަހަކީ ވަރަށް ޒަމާންވީ ގަހެއް ކަމަށާއި، އެގަސް ކަނޑާލާފައިވަނީ ރޭ ބަޔަކު ގަސްތުގައި ކަމަށެވެ.
އެއީ އެ ރަށު ސަހަރާ ކައިރީ ސުކޫލް ކަންމައްޗަށްވާގޮތަށް ހުންނަ ގަހެއް ކަމަށާއި، އެގަހަކީ ސުކޫލަށްދާ ދަރިވަރުންގެ ބެލެނެވެރިން މަޑުކޮށްގެން ތިބޭ ހިޔާ ގަޑެއް ގޮތުގައި ބޭނުން ކުރާ ގަހެއް ކަމަށެވެ.
ނަމަވެސް އެ ގަސް ކަޑާލާފައިވަނީ އެ ގަހުގައި އެމްޑީޕީގެ ދިދަފޮތިތައް ދަމާފައި ހުރުމުން ކަމަށްވެސް ބުނެފަވެއެވެ.
ތުޅާދޫގައި ހުރި ޒަމާންވީ ގަހެއް އެމްޑީޕީ ފޮތި ދަމާފައި ހުރުމުން ރޭ ބަޔަކު ކަޑާލާފަ....
ތުޅާދޫ އަކީ މީގެ ކުރިން އެމްޑީޕީއަށް މެޖޯރިޓީ އޮތް ރަށެކެވެ. ނަމަވެސް ދަ ޑިމޮކްރޭޓްސް އަށް ތުޅާދޫ ކައުންސިލްގެ ދެ މެންބަރުން ސޮއިކުރުމާއެކު އެރަށު ކައުންސިލްގެ މެޖޯރިޓީ ދާދީ ފަހުން ވަނީ އެމްޑީޕީ އަށް ގެއްލިފައެވެ.
ސިޔާސީ ފޯރި އެ ރަށުގައި ހިފާފައިވާއިރު، ރައީސުލްޖުމްހޫރިއްޔާގެ އިބްރާހިމް މުހައްމަދު ސޯލިހުގެ ތުޅާދޫއަށް ކުރެއްވި ދަތުރުފުޅާއި ގުޅިގެން އެރަށުގައި ހަމަނުޖެހުން ހިންގި ހަތަރު މީހަކުވެސް ހައްޔަރު ކޮށްފައިވެއެވެ.
