ފ، ބިލެއްދޫ އަށް ވަޑައިގެން ރައްޔިތުންނާއި ބައްދަލުކޮށް ވާހަކަ ދައްކަވަމުން އަސްލަމް ވިދާޅުވީ ޑިމޮކްރޭޓުންގެ އެމީހުންގެ އަސްލަށް ރުޖޫއަ ވުމަށެވެ.

އަސްލަމް ވިދާޅުވީ މިކުރާ މަސައްކަތަކީ އެންމެން އެކުލަވާލާއިގެން ކުރައްވާ މަސައްކަތެއް ކަމަށާއި، އެންމެން އެކުވެގެން ކުރަންފެށި ބުރަ މަސައްކަތެއް ކަމަށެވެ. އެއީ ގައުމު ތަރައްގީ ކުރަން ކުރާ މަސައްކަތެއް ކަމަށްވެސް އަސްލަމް ވިދާޅުވިއެވެ.

އަސްލަމް މިހެން ވިދާޅުވެ، ޑިމޮރެޓުން އެމްޑީޕީއާއި ގުޅުމަށް ދައުވަތު ދެއްވާފައިވާއިރު، ޑިމޮކްރޭޓްސް ނަމުގައި ޕާޓީ އެއް އުފައްދާފައިވަނީ ރިޔާސީ ޕްރަައިމަރީއަށްފަހު އެމްޑީޕީ ތެރޭގައި އުފެދުނު ކޯޅުމާއި، ހަމަނުޖެހުންތަކާއި ގުޅިގެންނެވެ.

އެގޮތުން އެމްޑީޕީގެ ރައީސްކަން އެންމެ ގިނަ ދުވަހަށް ކުރެއްވި، އަދި އެންމެ ފުރަތަމަ އެމްޑީޕީގެ ވެރިކަމެއް ރާއްޖޭގައި ކުރެއްވި ރައީސް މުހައްމަދު ނަޝީދާއިއެކު 12 މެމަބަރަކު ޕާޓީ ދޫކުރައްވާ ޑިމޮކްރޭޓްސް އުފެއްދުމުގެ މަސައްކަތް ފަށާ އެ ޕާޓީ ވުޖޫދަށް ގެނެސްފައިވެއެވެ. 

އެ ޕާޓީ ފުރަތަމަ ވުޖޫދަށް ގެނައީ 3000 މެންބަރުންނާއި އެކުގައެވެ. މިހާރު އެޕާޓީން ގެންދަނީ އެ ޕާޓީން ނެރެފައިވާ ރިޔާސީ ކެންޑިޑޭޓް އިލްޔާސް ލަބީބު އަށް 9 ސެޕްޓަމްބަރުގައި ބާއްވާ ރިޔާސީ އިންތިހާބު ކާމިޔާބުކޮށް ދިނުމަށް ކެމްޕޭން ކުރަމުންނެވެ.