400 މީޓަރު ދުވުމުގެ ފައިނަލުގައި ދިވެހި ތިން ދުވުންތެރިންގެ އިތުރުން ދެން ވާދަކުރާނީ މަޑަގަސްކަރައިގެ ތިން ދުވުންތެރިންގެ އިތުރުން ރިޔޫނިއަންގެ ދެ ދުވުންތެރިންނެވެ. ފައިނަލް އޮންނާނީ މާދަމާ އެވެ.
އައިއޯއައިޖީގެ 400 މީޓަރު ދުވުމުގެ ފައިނަލުން ހިމްނާ އާއި ޒިވާ ޖާގަ ހޯދީ ދެ އެތުލީޓުން ދުވި ހީޓުގެ ގަދަ ތިން ދުވުންތެރިންގެ ތެރޭގައި ހިމެނިގެންނެވެ. ލަޔާނާއަށް ފައިނަލުން ފުރުސަތު ލިބުނީ ބާކީ ތިބި ބައިވެރިންގެ ޓައިމިންއަށް ބަލާއިރު އެންމެ ރަނގަޅު ނަތީޖާ ހޯދި ދެ އެތުލީޓުންގެ ތެރޭގައި ހިމެނިގެންނެވެ. ފައިނަލުގައި ވާދަކުރާ ބައިވެރިން ހޮވުމަށް ކުރިއަށްގެންދިޔަ ދެ ހީޓުގެ ތެރެއިން ދެވަނަ ހީޓުގެ އެއްވަނަ ހޯދީ ހިމްނާ އެވެ. ހިމްނާގެ ޓައިމިންއަކީ 56.90 ސިކުންތެވެ.
ދެ ހީޓަށް އެއްކޮށް ބަލާއިރު ހިމްނާގެ ޓައިމިން އަކީ ދެވަނަ އެވެ. ހިމްނާ އާއި އެއް ހީޓެއްގައި ވާދަކޮށް ލަޔާނާ ދިޔައީ ފަސް ވަނަ އަށެވެ. އޭނާގެ ޓައިމިން އަކީ 58.51 ސިކުންތެވެ. ހީޓު އެކެއްގެ ތިންވަނަ ޒިވާ ހޯދީ 60.30 ސިކުންތުން ރޭސް ނިންމައިގެންނެވެ.
