ނޫސްވެރިންނާއި ބައްދަލުކުރައްވައި އިދިކޮޅު ކޯލިޝަނުގެ ކެންޕޭނު ތަރުޖަމާނު މުހައްމަދު ތޮލާލް މިއަދު ވިދާޅުވީ ރައީސުލް ޖުމްހޫރިއްޔާ ބޭނުންފުޅު ވެގެން ކޮންމެ ތަނަކަށް ސިޓީއެއްގެ ދަރަޖަ ނުދެވޭނެ ކަމަށެވެ.
ތޮލާލް ވިދާޅުވީ ސިޓީއެއްގެ ދަރައިގެ ގޮތުގައި ގދ ތިނަދޫ ހަމަޖެއްވީ ގާނޫނާއި ހިލާފަށް ކަމަށް ދެކެވަޑައިގަންނަވާ ކަމަށެވެ. އެގޮތުން ސިޓީއެއްގެ ދަރައިގެ އެންމެ އަސާސީ އެއް ޝަރުތުވެސް ހަމަނުވާ ކަމަށެވެ.
ތޮލާލް ވިދާޅުވީ ތިނަދޫގައި އަދި 8،000 މީހުން ހަމަ ނުވާ ކަމަށެވެ. އެގޮތުން ތިނަދޫ ކައުންސިލް މެދުވެރިކޮށް 10،000 މީހުންގެ ލިސްޓެއް ގެނައި އިރު، އެ ލިސްޓުގައި ގިނަ ބަޔަކު ރިޕީޓުވެފައި ތިބިކަމަށާއި، އަދި ރަށުގައި ނޫޅޭ ގިނަ މީހުން ތިބިކަމަށެވެ.
2018 ވަނަ އަހަރުގެ ރިޔާސީ ކެމްޕެއިންގައި ގދ ތިނަދޫ އަށް ވަޑައިގެން އެރަށުގެ ރަށްޔިތުންނާއި، ބައްދަލުކުރައްވައި ވާހަކަ ދައްކަވަމުން ރައީސް އިބްރާހިމް މުހައްމަދު ސޯލިހު ވަނީ އެރަށަށް ސިޓީއެއްގެ ދަރަޖަ ދެއްވާނެ ކަމަށް ވައުދުވެފަ އެވެ.
ކުރިއަށް އޮތް ރިޔާސީ އިންތިހާބުގައި ވާދަ ކުރައްވާ އެކިއެކި ކެންޑިޑޭޓުން ރަށްތަކަށް ކުރައްވަމުން ގެންދަވާ ދަތުރުފުޅުގެ ތެރެއިން އެކިއެކި ވައުދުތައް ވެއްލައްވަމުން އަންނައިރު ޕީއެންސީގެ ކެންޑިޑޭޓް ޑރ މުހައްމަދު މުއިއްޒު ވެސް ދާދި ފަހުން ވަނީ އެމަނިކުފާނުގެ ވެރިކަމެއްގައި ގދ ތިނަދޫ ސިޓީއަކަށް ހައްދަވާނެ ކަމަށެވެ.
