ރައީސް ސޯލިހްގެ "އުފާވެރި މާލެ" ކެމްޕޭން ސިޔާސަތު އާންމު ކުރުމުގެ ބޮޑު ޖަލްސާގައި ޝައިޚް އިމްރާން ވިދާޅުވީ މުއިއްޒު އަކީ "ކުޑަކުއްޖެއްހެން ރޮމުން ސަރުކާރުން ވަޒީފާއެއްވެސް ހޯދަން އައި" މީހެއް ކަމަށެވެ.
އިމްރާން ވާހަކަ ދައްކަވަމުން ފާހަގަކުރެއްވީ، މިގައުމު ނުހުއްޓި ކުރިޔަށްދާން އޮތީ ރައީސް އިބޫ ހޮވައިގެން ކަމަށެވެ. ޖަލުތަކުގެ އަނިޔާވެރިކަން އިޔާދަ ނުވުމަށް އެދޭނަމަވެސް ރައީސް އިބޫ ހޮވަންޖެހޭ ކަމަށެވެ.
އިމްރާންގެ ވާހަކާގައި ރައީސް ޔާމީނުގެ ވެރިކަމުގައި ކަންކަން ކުރެއްވި ގޮތަށް ވަރަށް ބޮޑަށް ފާޑުވިދާޅުވެ ވާހަކަ ދެއްކިއެވެ. އެގޮތުން ހުރިހާ ސިޔާސީ ލީޑަރުން ބަންދުކޮށް ޖަލައްލި ކަމަށާއި، ސްޕްރީމް ކޯޓުގެ ފަނޑިޔާރުންނާ ޔާމީނު ސަރުކާރުގެ ނައިބު ރައީސުންނާ ބައެއް މިނިސްޓަރުންވެސް ޖަލަށްލި ކަމަށެވެ. އެފަދަ ކަމެއް އިޔާދަވުމަކަށް ނޭދޭ ކަމަށްވެސް ވިދާޅުވިއެވެ.
