މިއީ ބައިނަލްއަގްވާމީ މުބާރާތެއްގެ ފިރިހެން ސިންގަލްސް އިވެންޓެއްގެ ފައިނަލުން ފުރަތަމަ ފަހަރަށް ދިވެހި ކުޅުންތެރިއަކު ހޯދި ރިހި މެޑަލްއެވެ. ޝައްފާން ރިހި މެޑަލް ހޯދީ، ފައިނަލުގައި މަޑަގަސްކަރާގެ ނަޓިވެލް ޖޮނަތަންއާ ދެކޮޅަށް ކުޅެއެވެ. މި މެޗުން ޝައްފާން ބަލިވީ 4-2 ސެޓުންނެވެ.
މެޗުގެ ފުރަތަމަ ތިން ސެޓު 6-11، 8-11 އަދި 5-11 އިން ޝައްފާނަށް ގެއްލުނެވެ. އެހެން ނަމަވެސް ޖެހިގެން އައި ސެޓު ޝައްފާން 13-11 އިން ކާމިޔާބުކުރި އެވެ. ދެން އައި ސެޓުން ޝައްފާން މޮޅުވީ 11-9 އިންނެވެ. ފަހު ސެޓު 6-11 ގެއްލުނީއެވެ.
މުބާރާތުގެ ފައިނަލަށް ޝައްފާން ދިޔައީ ސެމީ ފައިނަލްގައި މޮރީޝަސްގެ ޗަން ޔޫކް 4-1 ސެޓުން ބަލިކޮށްގެންނެވެ. މެޗުގެ ސެޓުތައް ނިމުނީ 11-1، 7-11، 11-4، 11-8 އަދި 11-7 އިންނެވެ.
ޓޭބަލް ޓެނިހުން މިހާތަނަށް އެންމެ ގިނަ ބައިނަލްއަގްވާމީ ކާމިޔާބީތައް ހޯދައިދިން ގޭމްސްގައި މި އަހަރަކީ ފިރިހެން ޓީޓީ އަށް ހާއްސަ އަހަރެކެވެ. އމި އަހަރުގެ ގޭމްސްގައި ފިރިހެން ޓީމުގެ އެތުލީޓުން ވަނީ ތިން އިވެންޓެއްގައި ފަސް މެޑަލް ހޯދައިފަ އެވެ.
