ހަތަރެއް ގުނަ 100 މީޓަރު ރިލޭ ރާއްޖޭގެ ޓީމުން ނިންމީ 47.03 ސިކުންތުން ދުވެގެންނެވެ. އެއް ވަނަ ހޯދީ 44.82 ސިކުންތުން ދުވެގެން މަޑަގަސްކަރަ އެވެ. ދެ ވަނަ ހޯދީ 46.56 ސިކުންތުން ދުވެގެން މޮރީޝަސް އެވެ. ރާއްޖޭން ތިން ވަނަ ހޯދީ ރީޔޫނިއަން އާއި ސީޝެލްސް ފަހަތަށް ޖައްސާލުމަށްފަހުގަ އެވެ. އެތުލެޓިކްސްގެ ތާރީހުގައި ދިވެހި އަންހެން ރިލޭ ޓީމުން ހޯދި ފުރަތަމަ މެޑަލް ރާއްޖެ އަށް ހޯދައިދިނީ އައިޝަތު ހިމްނާ ހަސަން، މަރިޔަމް ރޫޔާ އަލީ، އަހްނާ ނިޒާރު އަދި މަރިޔަމް އަލްހާ ހުސައިން އެވެ.
މިއަހަރުގެ އައިއޯއައިޖީގައި އެތުލެޓިކްސްގެ މިކްސް ރިލޭ ޓީމުންވެސް ލޯ މެޑަލް ހޯދި އެވެ. އެ އެ ޓީމުގައި ހިމެނެނީ ސާއިދު، ހިމްނާ، ޒިވާ މޫސާ ޝަފީއު އަދި ހުސައިން ރިޒާއެވެ. އަދި މީގެ އިތުރުން ރާއްޖޭގެ ޕެރަ ދެ އެތުލީޓުންކަމަށްވާ އަބްދުއްރައްޒާގު އަބްދުއްސަމަދު އާއި ފާތިމަތު އިބްރާހިމް ވަނީ ދެ އެތުލީޓުން ވެސް ދުވި އިވެންޓުން ލޯ މެޑަލް ހޯދައިފަ އެވެ.
