އެމްޑީޕީގެ ރިޔާސީ ކެންޑިޑޭޓުގެ ހައިސިއްޔަތުން ހދ. އަތޮޅުގެ ރަށްތަކަށް ކުރައްވަމުން ދަތުރުފުޅުގައި މިއަދު ނޭކުރެންދޫއަށް ވަޑައިގެން ގުޅިފައިވާ ޕާޓީތަކަށް ތާއީދުކުރާ ފަރާތްތަކާ ބައްދަލުކުރައްވާ ދެއްކެވި ވާހަކަފުޅުގައި ރައީސް ވިދާޅުވީ ކޯނީ ރިޕޯޓު ވީ ތަނެއް މިހާރު ނޭނގޭ ކަމަށެވެ. އެ ރިޕޯޓު ސަރުކާރުގައި ނެތް މައްސަލަ ބެލުމަށް މިހާރު ފުލުހުންނަށް ހުށަހަޅާފައިވާ ކަމަށް ރައީސް ވިދާޅުވިއެވެ.
ރައީސް ވިދާޅުވެފައިވަނީ ރިޔާސީ އިންތިހާބަށް ކުރިމަތިލައިގެން ތިބި އެހެން ކެންޑިޑޭޓުންނާ މެދު ފުންކޮށް ވިސްނަންވީ އެފަދަ ސަބަބުތަކާ ހުރެ ކަމަށެވެ.
އިންކުއަރީ ކޮމިޝަން އެކުލަވާލީ ފެބްރުއަރީ ހަތެއްގައި ވެރިކަން ބަދަލުވާން ހިނގާފައިވާ ގޮތް މިނިވަންކަމާއި އިންސާފުވެރިކަމާ އެކު ބަލައި، އެކަމުގެ މައްޗަށް ރިޕޯޓެއް އެކުލަވާލުމަށެވެ. އެ ރިޕޯޓުގައިވާ ގޮތުން ރައީސް ނަޝީދުގެ ވެރިކަން ނިމުނީ ގާނޫނު އަސާސީ އާއި ގާނޫނުތަކާ އެއްގޮތްވާ ގޮތުގެ މަތިންނެވެ.
ކޯނީ ރިޕޯޓަކީ ދައުލަތުގެެ ސިއްރެއްގެ ގޮތުގައި ކަނޑައަޅައި، އެ ރިޕޯޓް އެއްކޮށް އާންމުކޮށްފައެއް ނުވެއެވެ.
