ކެމްޕޭނަށް ރ.އަތޮޅުގެ ބައެއް ރަށްރަށަށް ކުރައްވަމުން ގެންދަވާ ދަތުރުފުޅުގައި ވާދޫއަށް ވަޑައިގެން ވާހަކަފުޅު ދައްކަވަމުން ރައީސް ސޯލިހު ވިދާޅުވީ 2018 ވަނަ އަހަރު ވެރިކަމަށް ވަޑައިގެންނެވުމަށްފަހު ރަށްރަށުގައި ގިނަ މަސައްކަތްތަކެއް ކުރަން ޖެހުނު ކަމަށެވެ. އެގޮތުން 141 ރަށުގައި ފެނާއި ނަރުދަމާ އަޅަން ޖެހުނު ކަމަށާއި، 152 ރަށެއްގައި ކަރަންޓު ފޯރުކޮށް ދިނުމުގައި ހުރި ދަތިތައް ފިލުވަން ޖެހުނު ކަމަށާއި، 125 ރަށުގައި ލަފާ ފުރުމުގެ ދަތި ކަމަށް ހައްލު ހޯދާ ދޭން ޖެހުނު ކަމަށް ރައީސް ސޯލިހު ވިދާޅުވިއެވެ.
ރަށްރަށުގެ އަސާސީ ހިދުމަތް ގާއިމު ކުރުމަށް ދިމާވި އިގުތިސާދީ ދަތިތަކާއެކު ގިނަ މަސައްކަތްތައް ކުރެވިފައިވާ ކަމަށް ރައީސް ސޯލިހު ވިދާޅުވިއެވެ.
ވާދޫއަކީ ލޯކަލް ޓޫރިޒަމަށް ރަނގަޅު ރަށެއްކަން ފާހަގަ ކުރައްވައި ރައީސް ސޯލިހު ވިދާޅުވީ މިއަހަރުގެ ފަހުކޮޅު އެރަށުގައި 60 އެނދުގެ ހޮޓަލެއް ތަރައްގީ ކުރުމުގެ މަސައްކަތް ފެށޭނެ ކަމަށެވެ. އަދި ފަތުރުވެރިކަމުގައި ކުރިއަށްދާން ބޭނުންވާ މީހުންނަށް ސަރުކާރުން ލުއި ގޮތްތަކާއެކު ފުރުސަތު ހޯއްދަވާ ދެއްވާނެ ކަމަށާއި ވާދޫގެ ބިމުގެ ދަތިކަން ހައްލު ކުރުމަށް ބިން ހިއްކާ ދޭނެ ކަމަށް ވެސް ރައީސް ސޯލިހު ވިދާޅުވިއެވެ.
ރައީސް ސޯލިހުވަނީ އެރަށުގެ ލޭންޑް ޔޫސް ޕްލޭން ޕްލޭނިން މިނިސްޓްރީން ފާސްކޮށްފައިވާތީ ގޯތި ދޭން ފެށުމަށް ކައުންސިލަށް ގޮވާލައްވާފައެވެ.
އޭގެއިތުރުން ވެސް ރައީސް ސޯލިހުވަނީ ވާދޫއަށް ގިނަ ކަންތައްތަކެއް ކޮށްދެއްވާނެ ކަމަށް ވައުދުވެވަޑައިގަންނަވާފައެވެ.
ވާދޫއަށް ރައީސް ސޯލިހު ވެވަޑައިގެންނެވި ވައުދުތައް:
1. ބިން ހިއްކާ މަގުތަކުގައި ތާރު އެޅުން،
2. ސުކޫލުގައި ކޮމްޕިއުޓަ ލެބަކާއި، މަލްޓިޕާޕޯސް ހޯލެއް ހެދުން،
3. ޕިކްނިކް އައިލެންޑެއް ހެދުން،
4. ކޮމިއުނިޓީ ސެންޓަރެއް ގާއިމު ކުރުން،
5. އޭޓީއެމެއް ބެހެއްޓުން،
6. ސިއްހީ މަރުކަޒުގެ ހިދުމަތް 24 ގަޑި އިރަށް ބަދަލު ކުރުން،
