ރައްޔިތުންގެ މަޖިލިހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު އިސް ނަންގަވައިގެން ރައީސް ސޯލިހްގެ ކެމްޕެއިނަށް ޖަގަހައެއް ހުޅުވަން މާލޭގައި ބޭއްވި ހަފްލާއެއްގައި މާރިޔާ ވިދާޅުވީ މުއިއްޒު އިންތިހާބުވެއްޖެނަމަ، އެއީ ރާއްޖޭގައި ލެވޭ އެއްމެ ފަހުގެ ވޯޓަށް ވެދާނެކަމަށާއި، އެއީ މުއިއްޒު އާއިއެކު ހަރަކާތްތެރިވާ މީހުންނަކީ ޑިމޮކްރަސީ އާއި ވޯޓް ގަބޫލު ނުކުރާ މީހުންނަށް ވާތީ ކަމަށް ވެސް މާރިޔާ ވިދާޅުވިއެވެ.
ޝޫރާ މަޖިލިހެއް އުފެދި، އެމަޖިލީހުން ނިންމައިގެން، އެކި ވައްތަރުގެ ފަތުވާތައް ނެރުމަށްފަހު ވޯޓު ލުން އެއީ ހަރާންކަމެއް ކަމަށް ކަނޑައަޅާފާނެ ކަމަށާއި، އެހެންކަމުން ޕީއެންސީގެ މުއިއްޒު އިހްތިޔާރުކޮށްފިނަމަ، ރާއްޖެ ވަރަށްބޮޑު ބިރުވެރިކަމެއްގެ ތެރެއަށް ދާ މަންޒަރު ފެންނާނެކަމަށްވެސް މާރިޔާ ވިދާޅުވިއެވެ.
އިތުރަށް ވާހަކަ ދައްކަވަމުން މާރިޔާ ވިދާޅުވީ، ރާއްޖެ ހެޔޮމަގަށް ގެންދިއުމުގެ ފުރުސަތު އޮތީ ރައްޔިތުންގެ އަތް މަތީގައި ކަމަށާއި އަދި ރައްޔިތުން ބޭނުންވާ ރާއްޖޭގެ ގޮތުގައި މި ރާއްޖެ ބާއްވަން ބޭނުން ނަމަ، ރައީސް ސޯލިހަށް ހެޔޮ ފާހަގަ ޖެއްސެވުމަށް މާރިޔާ އެދިވަޑައިގެންނެވިއެވެ.
މީގެ ކުރިންވެސް ޑރ.މުއިއްޒުއަކީ ސަލަފް ޖަމާއަތުގެ ތާއީދުއޮތް ފަރާތެއްކަމަށް ދޭހަވާގޮތަށް، މިނިސްޓަރު މާރިޔާ ވިދާޅުވެފައިވާކަން މިފުރުސަތުގައި ފާހަގަކޮށްލެވެއެވެ.
