ރިޔާސީ އިންތިހާބަށް 24 ގަޑިއިރަށްވުރެ ކައިރިވެފައިވަނިކޮށް، މިއަދު ފ.ބިލެއްދޫއަށް ވަޑައިގެން އެރަށުގައި ބޭއްވެވި ބަނދަރު ބައްދަލުވުމުގައި ވާހަކަ ދައްކަވަމުން، ރައީސް ވިދާޅުވީ، މި ވެރިކަމުގައި ދީނީ އިލްމުވެރިންނަށް ވެސް ފުރިހަމަ މިނިވަންކަން ދެއްވި ކަމަށާއި އަދި ދެން ވެސް އެ ހުރަހެއް ނޯންނާނެ ކަމަށް އެމަނިކުފާނު ވިދާޅުވިއެވެ.
ރައީސް ސޯލިހު ވިދާޅުވީ ރައްޔިތުންނަށް އެކިކަންކަމުގައި ލަފާ އާއި މަޝްވަރާ ދިނުމަސްވެސް ދީނީ އިލްމުވެރިންނަށް އެއްވެސް ހުރަހެއް ނޯންނާނެ ކަމަށެވެ. އަދި މިސަރުކަރުން ދީނީ އިލްމުވެރިންނަށް ފުރިހަމަ މިނިވަންކަން ދީފައިވާ ކަމަށާ އިލްމުވެރީންނަށް ދެންވެސް ހުރަހެއް ނޯންނާނެ ކަމަށް ރައީސް ވިދާޅުވިއެވެ.
މިއާއެކު، އެބޭފުޅުންގެ ޚިޔާލާއި ދެކޮޅު އިލްމްވެރިންތަކެއް ވެސް ވަނީ އެބޭފުޅުންގެ ތާއީދު ކުރައްވާ ކެނޑިޑޭޓް އަކީ ކޮބައިކަން ހާމަކުރުމަށް ނޫސްވެރިންގެ ބައްދަލުވުމެއް ބާއްވަވާފައެވެ.
