ރިޔާސީ އިންތިހާބާ ގުޅިގެން ޓީއެމް އިން އީޔޫ ވަފުދާއެކު ބޭއްވި ބައްދަލުވުމުގެ ތެރެއިން
ޓްރާންސްޕޭރަންސީގެ 400 އޮބްޒާވަރުން މުޅި ރާއްޖޭގަ ހަރަކާތްތެރިވާނެ
ގުފްތަގް އަޖީރު
08 ސެޕްޓެމްބަރ 2023 - 15:49:15
މާދަމާ ބާއްވާ ރިޔާސ އިންތިހާބު ކަވަރު ކުރުމަށް، ޓްރާންސް ޕޭރަންސީ މޯލްޑިވްސް (ޓީއެމް) ގެ 400 އޮބްޒާވަރުން މުޅި ރާއްޖޭގަ ހަރަކާތްތެރިވާނެކަމަށް އެ ޖަމިއްޔާއިން ބުނެފިއެވެ.
އެޖައިމިއްޔާއިން މިއަދު ބުނީ އެ ޖަމިއްޔާއިން ރިޔާސީ އިންތިހާބު އޮބްޒާވްކުރަން ގެންގުޅޭނީ 'ރޭންޑަމް ސާމްޕަލިން' ގެ އުސޫލުކަމަށެވެ.
އެ ޖަމިއްޔާއިން މީގެ ކުރިން ރިޔާސީ އިންތިހާބު، ރައްޔިތުންގެ މަޖިލީހުގެ އާންމު އިންތިހާބު އަދި ލޯކަލް ކައުންސިލް އިންތިހާބުތައް މޮނީޓާ ކުރުމަށްވެސް މި މެތަޑު ބޭނުންކޮށްފަވެއެވެ.
"ބައިނަލް އަގުވާމީ ގޮތުން ގަބޫލުކުރެވޭ މި މެތޮޑޮލޮޖީއަކީ ގިނަ ގައުމުތަކެއްގައި ބޭނުންކުރާ މެތަޑޮލަޖީއެއް. ޓްރާންސް ޕޭރަންސީ މޯލްޑިވްސްގެ އޮބްޒަބޭޝަންގެ މަގްސަދަކީ އިންތިހާބުގެ މަރުހަލާތަކާ މެދު ރައްޔިތުންގެ އިތުބާރު އިތުރުކކޮށް، އިންހާބުގެ ކަންކަމަކީ ހާމަކަން ބޮޑު ގޮތެއްގަ ކުރެވޭ މަސައްކަތްތަކެއް ކަމުގަ ހެދުން،" - ޓީއެމް-
ރިޔާސީ އިންތިހާބާ ގުޅިގެން ޓީއެމް އިން ދެ ބަޔާނެއް ނެރެން ވަނީ ނިންމާފައެވެ.
ފުރަތަމަ ބަޔާން ނެރޭނީ ރިޔާސީ އިންތިހާބުގެ ހުރިހާ މަރުކަޒުތަކެއްގަ ވޯޓުލާން ފެށުމުންނެވެ. ދެވަނަ ބަޔާން ނެރޭނީ ވަގުތީ ނަތީޖާ އިއުލާނުކުރުމުންނެވެ.
އޭގެ އިތުރުން ސެޕްޓެމްބަރު 10 ވަނަ ދުވަހު ނޫސްވެރިނާ ބައްދަލުކޮށް އެ ޖަމިއްޔާގެ ހޯދުންތައް ކިޔައިދޭނެކަމަށް ޓްރާންސްޕޭރަންސީ މޯލްޑިވްސް އިން ވަނީ ބުނެފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
