ރިޔާސީ އިންތިހާބުގެ ފުރަތަމަ ބުރުގައި އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހު ވަނީ އިދިކޮޅު ޕީޕީއެމް / ޕީއެމްސީ ކޯލިޝަނުގެ ކެންޑިޑޭޓް ބޮޑު ތަފާތަކުން ކާމިޔާބު ކުރައްވާފަ އެވެ.
ފައްޔާޒް މިރޭ ވިދާޅުވީ އެމްނިކުފާނަށް ދެންނެވުނީ 56 ޕަސެންޓުން އެމްޑީޕީ މޮޅުވެއްޖެ ކަމަށެވެ. އަދި ވިދާޅުވީ އެހެން ދެންނެވުމުން ގިނަ ފަރާތްތަކުން މޮޅުވި ކަމަށް ބަލައި ވޯޓުލާން ވަޑައިނުގެންނެވީ ކަމަށެވެ.
ފައްޔާޒް ވިދާޅުވީ ސަރުކާރުން ވައުދުވީ އަދުލުވެރި ވެރިކަމެއް ކުރުން ކަމަށާއި، ނަތީޖާއަކީ މިގައުމުގެ އެންމެންވެސް އުޅެމުންދަނީ އަބުރުވެރި އަމާން ދިރިއުޅުމެއް ކަމަށެވެ.
ފައްޔާޒް ވިދާޅުވީ އެމްޑީޕީ ނޫން ބަޔަކު މި ރާއްޖޭގެ ވެރިކަމަށް އަތުވެއްޖެނަމަ ރަގަޅު ހަބަރު ފަތުރާ ވަސީލަތްތަކެއްވެސް ނޯންނާނެ ކަމަށެވެ. އެގޮތުން އެންމެ ފުރަތަމަ ކުރާނެ ކަމަކީ ނޫސްވެރިންގެ އަނގަ ބަންދުކުރުން ކަމަށެވެ. ފައްޔާޒް ވިދާޅުވީ މި ސަރުކާރުން ވަނީ ނޫސްވެރިންނަށް އިންތިހާ އަށް ފުރުސަތު ހުޅުވާލާފައި ކަމަށެވެ.
ފައްޔާޒް ވިދާޅުވީ މި ގައުމުގައި އޮތީ ދެ ފިކުރު ކަމަށާއި، އެއީ އިސްލާހާއި، އަނިޔާވެރި ކަމުގެ ފިކުރު ކަމަށެވެ.
