އިލްޔާސް ލަބީބު: މެންބަރުންގެ އަދަދު 76 ގައި ހިފަހައްޓައި އަންހެނުންނަށް ގޮނޑި ހާއްސަކުރަން ގާނޫނުއަސާސީއަށް ވަނީ އިސްލާހު ހުށަހަޅުއްވާފައި - ފޮޓޯ:ރައްޔިތުންގެ މަޖިލިސް
މެންބަރުންގެ އަދަދު 76 ގައި ހިފަހައްޓައި އަންހެނުންނަށް ގޮނޑި ހާއްސަކުރަން އިސްލާހެއް
މުހައްމަދު އަތީފް
13 ސެޕްޓެމްބަރ 2023 - 12:23:36
ރައްޔިތުންގެ މަޖިލީހަށް މެންބަރުންގެ އަދަދު ކަނޑައެޅުމުގައި އާބާދީ އިތުރުވަމުންދާ ނިސްބަތަކުން މެންބަރުން އިތުރުވުން ހުއްޓުވައި، އަންހެނުންނަށް ހާއްސަކުރެވިފައިވާ ގޮނޑިތަކެއް ކަނޑައަޅަން ގާނޫނުއަސާސީ އިސްލާހުކުރުމަށް ހުޅުދޫ ދާއިރާގެ މެންބަރު އިލްޔާސް ލަބީބް މަޖިލީހަށް ހުށަހެޅުއްވި ބިލުގެ ފުރަތަމަ ކިޔުން އިއްވައިފައެވެ.
Advertisement
ގާނޫނުއަސާސީގެ 71 ވަނަ މާއްދާއަށް އިލްޔާސް ހުށަހެޅުއްވި އިސްލާހުގައި ވަނީ މަޖިލިސް އެކުލެވިގެންވާނީ 76 މެންބަރުންގެ މައްޗަށް ކަމަށެވެ.
އެ އިސްލާހުގެ ދަށުން މަޖިލިސް އެކުލަވާލެވިގެންވާނީ:
- އިދާރީ ދާއިރާތަކަށް ހާއްސަކުރެވޭ 55 މެންބަރުން
- އިދާރީ ހުރިހާ ދާއިރާއެއް ތަމްސީލުވާނެ ގޮތަށް އިންތިހާބު ކުރެވޭ އަށް އަންހެން މެންބަރުން
- ނުކުޅެދުންތެރިކަން ހުންނަ ފަރާތްތައް ތަމްސީލުކުރާނެ ދެ މެންބަރުން
- ސިޔާސީ ޕާޓީތަކަށް ވޯޓު ލިބޭ ނިސްބަތުން ގާނޫނުގައިވާ ގޮތުގެ މަތިން ސިޔާސީ ޕާޓީތަކުން އައްޔަނުކުރާ 11 މެންބަރުން
މި ބިލާ ގުޅޭ ގޮތުން ވާހަކަ ދައްކަވަމުން އިލްޔާސް ވިދާޅުވެފަައިވަނީ ބިލު ހުށަހެޅުއްވި މައިގަނޑު ސަބަބަކީ މެންބަރުންގެ އަދަދު އިތުރުވާ ގޮތަށް އޮތުމުން ބަޖެޓުން މަޖިލީހަށް ކުރަން ޖެހޭ ހަރަދުތައް އިތުރުވަމުން ދިއުން ހުއްޓުވުން ކަމަށެވެ.
އިލްޔާސް ހުށަހެޅުއްވި މި ބިލުގެ ދަށުން އަންނަ އަހަރުގެ މަޖިލިސް އިންތިހާބު ބާއްވަން ޖެހޭނީ ގާނޫނުއަސާސީއަށް ގެނެވޭ މި އިސްލާހާ އެއްގޮތަށެވެ.
އިލެކްޝަންސް ކޮމިޝަން (އީސީ) އިން އިއުލާނުކޮށްފައިވަނީ އާބާދީ އިތުރުވި ނިސްބަތަށް ބަލައި، 20 ވަނަ މަޖިލީހަށް 93 މެންބަރުން އިންތިހާބު ކުރަން ޖެހޭ ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
